‘Ba no fó-hatene ba nasaun ne’e.’ Isaias 6:9
Bainhira imi envolve an iha Maromak nia serbisu, fasil ba imi atu lakon balansu no to’o ikus enjoy Nai nia servisu liu fali Maromak ne’ebe nain ba servisu ne’e. Ulukliu, Jesus bolu ninia dixipulu sira ba hasoru Nia; tuirmai, Nia haruka sira sai. Kbiit ne’ebé imi presiza atu hetan susesu iha imi-nia knaar ne’ebé Maromak fó mai husi tempu ne’ebé imi gasta hamutuk ho Nai, la’ós ho ema.
Loron ida Jesus lori ninia dixipulu nain-tolu ba foho ne’ebé iha Foho Transfiguraun nia leten. Ninia oin nabilan hanesan loro-matan… Moises no Elias mosu iha sira-nia oin no ko’alia ho Jesus. (Mateus 17: 2-3) Pedro kontente tebes ho esperiénsia nee: Nai, di’ak ba ami atu hela iha nee. Se ó hakarak, ha’u sei harii uma mahon tolu. ‘Pedro hakarak hela, maibé Maromak ko’alia husi lalehan no dehan: Nee mak ha’u-nia Oan doben… Rona ba Nia!’ (Mateu 17: 5)
Depois nee, Jesus lori ninia dixipulu sira tun fali ba foho nee, no sira hahú serbí ema sira ne’ebe presija. Diak atu iha esperiénsia periodiku kona-ba foho no Maromak, maibé imi labele hela iha neeba. Iha serbisu atu halo iha foho nia ain. Tenke iha balansu entre tama no sai.
Tinan ida dala ida, amlulik boot tama ba fatin Santu no iha knaar espesiál atu haree Maromak nia glória. Ida-nee onra boot tebes! Maibe tinan restu gasta iha li’ur hodi serbí povu. Bainhira hasoru tiha Maromak durante tempu ne’ebé uma ne’e nakdoko, Isaias tanis dehan: ‘Ai susar ba hau.’ (Isaias 6:5) Tuirmai Maromak kona ninia ibun no dehan: Ba, no fó-hatene ba povu nee. (Isaias 6: 9), No ba ida ne’e mak Nia bolu ita.
Aihan Espiritual: Jen 17-19, Lucas 7:1-10, Sal 107:17-22, Pro 3:21-24