‘Nonook iha NAI nia oin, no hein Nia ho pasiénsia.’ Salmo 37:7
Pasiensia moris mai husi fiar. David dehan: ‘Fiar ba NAI, no halo buat nebee diak; hela iha rai nee no simu fidelidade. Sai kontenti iha NAI, no Nia sei foo ba o buat nebee o nia fuan laran hakarak.’ Salmo 37: 3-4) Maromak iha planu ba imi-nia moris. Ida-nee inklui buat ne’ebé ita la bele iha ohin ne’ebé ita bele goza loron aban. Bainhira udan tun, du’ut sei moris rasik. Tan nee agora, keta luta demais atu hetan buat ne’ebe lolos fasil tebes atu akontese tuir tempu ne’ebe los.
Bainhira ita rezeita atu fo buat ne’ebe la diak ba labarik sira, nia komesa toba ba rai no tanis hakilar dehan, Hau hakarak agora! Entaun, ó fo dunik ka? Konserta lae.
Paulo hakerek: ‘Nee duni, tanba ita mak ema santu nebee Maromak hili no hadomi, hatais laran luak, laran diak, laran haraik aan, laran maus no pasiénsia.’ ( Kolose 3: 12) Maromak hanorin imi la’ós de’it oinsá atu hein, maibé oinsá atu iha hahalok-di’ak bainhira imi halo ida-nee.
Tiago hakerek: ‘Tahan too rohan atu nunee imi bele sai perfeitu no kompletu, no la falta buat ida.’ Maromak husik buat balu atu akontese iha ita-nia moris hodi hanorin ita prinsípiu importante sira hanesan:
(1) hametin ita-nia fiar bainhira iha tempu susar;
(2) hatudu laran-di’ak iha presaun nia okos hodi kontrola ita-nia resposta sira; no
(3) dezenvolve abilidade foun no maneira hanoin ne’ebé di’ak liu.
Lia-loos mak, Maromak dezenvolve kualidade iha ita nia an ne’ebé ita la bele dezenvolve ho dalan seluk. Bainhira Nia ramata ona, imi sei sai maduru atu halo buat ne’ebé Nia hanoin ba imi. Entaun, keta husik inimigu halo imi laran-susar ka kondisaun halo preokupa imi. Hatudu pasiénsia no tau fiar ba Nai.
‘Nonook iha NAI nia oin, no hein Nia ho pasiénsia.’
Aihan Espiritual: Jen 25:19-27:46, Lucas 7:36-50, Sal 111, Pro 3:29-30