‘Maibee sira hanoin resin kona ba moris iha mundu, riku-soin dada bosok sira, no sira kaan buat seluk. Buat sira nee tama no hanehan liafuan nee, no liafuan nee la foo fuan.’ Markus 4:19
Iha Jesus nia ‘ai-knanoik kona-ba Kari na’in’, Nia dehan katak fini ne’e monu ba rai oin haat. ‘No fini nebee monu iha ai tarak laran mak ema nebee rona liafuan. Maibee sira hanoin resin kona ba moris iha mundu, riku-soin dada bosok sira, no sira kaan buat seluk. Buat sira nee tama no hanehan liafuan nee, no liafuan nee la foo fuan.’ (Markus 4: 18-19)
Haree to’ok saida mak hanetik Maromak nia Liafuan atu la halo serbisu ho di’ak iha ita-nia moris:
(1) Hanoin katak Maromak sei la tau matan ba imi.
(2) Hanoin katak se ita iha osan barak liu, uma boot liu, sasán barak liu, ka ita-nia aparensia ne’ebé atrativu liu, ita sei kontente liu.
Ida-nee mak pergunta: Ita-boot sira hanoin-hetan bainhira hanoin kona-ba Ita-boot nia servisu, uma ne’ebé Ita hela iha, no Ita-boot nia saldo banku nian sei halo Ita-boot nia preokupasaun hotu lakon ka lae? Maibe ne’e la’ós hanesan nee, loos ka lae? Bainhira ita iha sasán barak liu, ita tenke proteje, mantein no preokupa liu tan. Hanoin kle’an kona-ba sasán materiál bele ” xoke” ita-nia moris!
Dame no ksolok mai husi tau fiar ba Maromak ba buat ne’ebé imi presiza; hatene katak buat ne’ebe mak loos ba imi, Nai sei fó ba imi, no se lae, Nia sei fó ba imi buat ne’ebé di’ak liu. Buat furak ida akontese bainhira ita hanoin kle’an kona-ba Maromak nia promesa sira. Ita-boot sira-nia preokupasaun tun, Ita-boot sira-nia hanoin no atitude programadu fila fali ona, no Ita-boot sira goza moris barak liu tan. Jesus hatete: ‘Buka uluk Maromak nia reinu no lialoos no buat seluk sei fo ba imi.’ (Mateus 6:33) Moris ho laran-loos, no nia sei fó ba imi buat hotu ne’ebé imi presiza. Tan nee, ohin, halo orasaun no lee Biblia iha Ita-nia lista atu halo.
Aihan Espiritual: Gen 28:1-30:24, Lucas 8:1-15, Salmo 108, Pro 3:31-32