‘Maski ami nia isin iha liur bele sai aat, ami nia laran sai foun fila fali loron ba loron.’ 2 Korinto 4:16
Bainhira Ita-Boot hamrik iha cashier supermarket nian, haree cover revista nian. Hare sira dezenhu ne’ebe hatudu sira nia make-up, isin ne’ebe kapas, no informasaum dieta no produtu sira ne’ebé garantia katak ita mos bele sai hanesan ne’e. Agora, la iha buat ida-ne’ebé sala atu tau matan didi’ak ba Ita-nia isin hodi sai bonita liu tan. Atu oinsa deit, isin mak Espíritu santu nia templu no imi mak iha responsabilidade atu kuidadu templu nee. Maibe imi iha buat barak liu duke hatais no modelu fuuk. Buat ne’ebé sala mak ita tau fokus liu ba buat ne’ebe iha li’ur no la hafolin no haburas kualidade iha imi nia laran ne’ebé Maromak fó ona ba imi.
Biblia hatete: ‘Oin bonita mak saugati deit.’ (Proverbiu 31:30) Bainhira Maromak kria imi, Nia la’ós de’it infeita parte liur deit; nia fó ba imi kmanek ne’ebé iha laran mak hanesan… ‘Maibee hatais imi nia aan nebee subar iha imi nia fuan laran ho espíritu maus no kalma nebee furak no nunka lakon. Ida nebee mak folin boot iha Maromak nia oin.’ (1 Pedro 3: 4)
Tuir loloos, Paulo fó-hanoin ita katak ‘buat ne’ebé ita hare iha liur ne’e temporariu deit, maibé buat ne’ebé ita la haree mak rohan-laek. (2 Korinto 4: 18), fo hanoin ba ita katak buat ne’ebe natureza ne’e fo, to’o tempu ida sei lakon! Tuir loloos, ema la hanoin-hetan Paulo tanba ninia bonitu. Ninia inimigu sira dehan: “Ninia surat sira todan no forti, maibee bainhira nia rasik mai iha nee nia fraku no ninia liafuan la iha folin.” (2 Korinto 10: 10)
Maibe buat ne’ebé ema sei hanoin-hetan kona ba nia mak liafuan sira tuirmai nee: ‘Hau luta tiha ona iha funu diak, hau halai taru ona too rohan, hau kaer metin ona iha fiar. Agora hela deit koroa moris loos nian ba hau, nebee Nai, katak juis loos, sei foo mai hau iha loron nebaa. No laos hau deit mak hetan, maibee sira hotu mos nebee hein ho domin ba loron nebee Nia sei hatudu aan.’ (2 Timoteu 4: 7-8)
Tan nee, liafuan ba ohin loron mak: Foka liu ba parte laran duke ba parte liur.
Aihan Espiritual: Salmo 23, Joao 6:1-15