‘Entrega o nia preokupasaun ba Maromak.’ Salmo 55:22
Bainhira ita estrese, emosaun negativu bele sai boot liu. No se imi la husik imi nia todan iha Maromak nia oin, fasil ba imi atu halo desizaun ne’ebé sala, rende ba fatin ne’ebe sala, la’o ba dalan ne’ebé sala, no rebenta ba ema ne’ebé sala.
Ema ne’ebé hakerek salmu hatete: ‘Entrega imi nia preokupasaun ba Maromak, nune’e Nia sei tau matan ba imi!’ To’o iha ne’ebe ona imi sadere ba Maromak ho konxiensia, hodi hetan kbiit husi Nia, ne’e mak imi sei hamenus imi-nia laran-susar. La iha buat ida-ne’ebé akontese bainhira David hakilar ba Maromak hodi husu ajuda no hakotu ho ksolok tanba nia fó sai ninia frustrasaun ba ema loos – Maromak!
Lia-loos mak, moris mak 10% saida mak akontese ba imi no 90% oinsá imi hatán ba nee. Imi-nia serbisu, imi-nia osan, imi-nia kazamentu, imi-nia oan, imi-nia saúde, no imi-nia futuru sai fonte hotu ba preokupasaun, nune’e imi sei nunka livre husi hirus. Maibe imi bele hamenus imi-nia laran-susar hodi halo tuir Paulo nia konsellu: ‘Bensaun ba ita nia Nai Jesus Kristu nia Maromak no Aman. Nia mak Aman nebee hatudu laran luak no Maromak nebee foo kamaan hotu. Nia foo kamaan ba ita iha ita nia terus hotu, atu nunee ita bele foo kamaan ba ema seluk nebee iha terus saida deit, liu hosi kamaan nebee ita simu hosi Maromak. Tanba hanesan ita simu Kristu nia susar barak, nunee mos liu hosi Kristu mak ita simu kamaan barak.’ (2 Korinto 1: 3-5)
Dala barak ita fó ita-nia preokupasaun ba Maromak, atu ita bele hadau fila fali. Ita lakohi husik kontrola. Maibe se imi halo orasaun barak liu, imi sei la hanoin barak.
Aihan Espiritual: Gen 30:25-31:55, Lucas 8:16-25, Sal 120, Pro 3:33-35