‘Ema ne’ebé la iha kontrolu an rasik mak hanesan sidade nia moru ne’ebé rahun tiha ona.’ Proverbios 25:28
Tentasaun, ema ne’ebé la konkorda ho ita, no kondisaun ne’ebe halo ita frustradu iha potensial halo ita desepsionadu – no notísia aat mak, sira sei la lakon iha tempu besik. Maibe, novidade di’ak mak, sira la’ós imi-nia problema! Tuir loloos, la’ós buat ne’ebé akontese ba imi mak determina imi-nia kondisaun fuan, maibé buat ne’ebé akontese iha imi nia laran! Ita imajina katak moris ne’e sei muda sai diak liu sei ita muda ema no kondisaun, maibé sei iha ema no kondisaun foun ne’ebé ita sei hasoru, loos ka lae?
Salomão loos; la’ós atu kontrola mundu ne’e iha li’ur, maibé atu kontrola mundu ne’e iha laran. Proverbios hatete: Ema ne’ebé la iha kontrolu an rasik mak hanesan sidade nia moru ne’ebe rahun; ho liafuan seluk, sidade ne’ebé nakloke ba ataka. Dalan úniku atu garante ita-nia seguransa mak atu haluha kontrola ema no sasán sira, no fokus liu ba mantein ita-nia moru protesaun.
Ita dehan, maibe ema sira no kondisaun halo ha’u sente la adekuadu no vulneravel. Biblia hatete katak ‘Maromak kontra ema nebee foti aan, maibee Nia foo grasa ba ema nebee haraik aan.’ ( 1 Pedro 5:5) Tuir loloos, rekoñese ita-nia sala rasik mak pasu ida iha ita-nia viajen atu atinji totalidade. Pasu daruak mak atu simu katak Maromak de’it mak bele fó kbiit ba ita atu kontrola an (haree Filipe 2:13). pasu datoluk bainhira ita komprende katak kontrola aan la mai husi ita nia esforsu an makas; ida ne’e rezultadu husi Espíritu Santu , fuan Espíritu Santu (haree Galasia 5:22-23). Bainhira imi hakru’uk ba Espíritu ne’ebé hela iha imi-nia laran, Nia sei hametin imi-nia moru sira no fó kbiit ba imi atu hamriik metin hasoru inimigu.
Aihan Espiritual: Jen 35-36, Lucas 8:40-56, Sal 125, Pro 4:3-4