‘Maibe nia ne’ebe simu korrije, sei hetan onra.’ Proverbios 13:18
Ita la gosta konfrontasaun, maibé ita labele buras sem nia. Konfrontasaun ne’ebé saudavel bolu ita atu ko’alia lia-loos iha domin ba ema ne’ebé ita fo folin. Hanesan Maromak tau ita ida-idak iha fatin ne’ebé ita presiza sai buras, Nia mós hein katak ita mós sei halo hanesan ba ema seluk. Nee fasil ka lae? Lae. Maibe iha ne’e matadalan balu ne’ebé bele ajuda ita:
(1) Koalia ho ema ne’e, la’ós kona-ba sira. Konfrontasaun ne’ebé saudavel tenke halo diretamente no, wainhira posivel, bolu kolia entre imi mesak deit. Ida ne’e husu atu halo komunikasaun ho kuidadu no firmeza, maibe ho kapas. Bainhira ema ruma kanek, ita presija trata ho kuidadu sira.
(2) Keta halo sai bo’ot ka uza propaganda espiritual. Fo ezemplu espesífiku sira. Keta subar liafuan sira hanesan ha’u fiar katak Nai hatudu ona mai ha’u katak ó sala. Bainhira profeta Natan hasoru Liurai David kona-ba ninia sala ho Batseba, nia halo espesífiku. No kontinua kontrola imi-nia emosaun sira; husik tempu ne’ebé sufisiente entre ofensa no konfrontasaun atu halo orasaun hodi hatuun imi-nia hirus.
(3) Keta du’un sira para sira senti sala; ajuda sira. Keta husik ema ruma iha susar nia laran, sein matadalan ne’ebe klaru kona-ba oinsá atu hadi’a. Nee la justu, no la konstrutivu. Tuir loloos, ida-ne’e bele hamosu problema intensu no komplikasaun ne’ebé la hakarak. Abordajen di’ak liu mak atu identifika problema ne’e ho kalma no sujere dalan oinsá bele rezolve. Ita-boot nia objetivu la’ós atu hatudu ema ruma maibé atu hatudu dalan ne’ebé diak.
(4) Keta sai kritiku; hatudu laran-hadomi. Se ita lakon buat hotu seluk, keta lakon ida-nee! Se imi halo nunee, imi sei hetan imi-nia an nu’udar kondenadu duke hasoru malu. Se Ita-onestu, Ita sei rekoñese katak Ita nia dalan ba susesu rasik iha ona kuak ruma – tan ne’e Ita hakbesik ba ema seluk ho haraik-an, domin no preokupasaun.
Aihan Espiritual: Mat 5: 1-12, Josue 10:5-14