‘Tanba iha fatin nebee ita hetan laran moras no ema provoka malu, ita hetan mos konfuzaun no hahalok aat hotu.’ Tiago 3:16
Se Ita-Boot sai ona membru igreja ba tempu kleur ona, Ita hatene katak konflitu ne’e mos mosu iha familia Maromak nian hanesan mos iha fatin seluk.
Paulo no Barnabe, ekipa ministériu ne’ebé brilliante, husik sira-nia diferensa kona-ba Joao Marcos atu haketak sira to’o sira labele serbisu hamutuk tan. Liutiha tempu balu, Paulo troka ninia hanoin, maibé ida ne’e labele troka buat ne’ebe akontese ona. ‘Hau husu Evódia no hau husu Síntike, katak sira iha neon ida iha Nai. No hau husu o mos, maluk metin,a atu ajuda feto sira nebee uluk servisu hamutuk ho hau iha Liafuan Diak, hamutuk ho Klement mos, no sira seluk nebee servisu hamutuk ho hau. Tanba Maromak hakerek ona sira nia naran iha Livru Moris Nian.’ (Filipe 4: 2 – 3)
konflitus, [ambisaun egoismu] ida-ne’e hanetik ita atu halo orasaun, hadook ita-nia atensaun husi buat ne’ebé lakon, no halo ita la efetivu iha ita-nia serbisu haklaken. Ita tenke aprende atu respeitu talentu ema seluk nian, perspetiva no pozisaun duke hatudu laran-moras ba sira. Ho liafuan seluk, aprende atu la konkorda sein sai ema aat. Biblia dehan: ‘Tanba iha fatin nebee ita hetan laran moras no ema provoka malu, ita hetan mos konfuzaun no hahalok aat hotu. Maibee matenek klean hosi leten nee primeiru mak moos, depois matenek nee halo dame, maus, hanoin loos, nakonu ho laran luak no fuan diak, no la fihir ema ida no la iha laran makerek. Ema nebee halo dame mos kuda dame hodi hetan rezultadu moris loos.’ (Tiago 3: 16-18)
Maromak haraik bénsaun ba ema ne’ebé halo dame (haree Mateus 5:9) entaun bainhira mosu problema iha imi-nia igreja, halo ida-ne’e ba imi-nia misaun atu kuda fini dame nian!
Aihan Espiritual: Roma 1: 1 – 3:20, Lucas 10: 1 – 12, Salmo 5, Pro 5: 1 – 2