‘Loke hau nia matan,nunee hau bele haree buat furak iha O nia lei.’ Salmo 119:18
Savi atu estudu Biblia mak halo ida-ne’e loroloron, sistemátiku no ho orasaun. Ema ne’ebé hakerek salmu halo orasaun hodi dehan: ‘Loke hau nia matan, nunee hau bele haree buat furak iha O nia lei.’ Nee envolve buat tolu:
(1) Maromak sei hatudu lia-loos kona-ba Nia an ba imi. Imi sei buka-hatene Ninia karakter, Ninia hanoin, no Ninia valor. No se imi sai boot sein inan-aman ka bo’ot ho inan-aman ne’ebé kasar, imi sei hatene katak imi-nia Aman iha lalehan diferensa tebes.
(2) Maromak sei hatudu ba imi lia-loos kona-ba ema seluk. Imi sei komesa komprende no fo valor sira-nia fatin iha imi-nia moris. Imi mós sei aprende oinsá atu rekoñese no antisipa sira-nia nesesidade no knaar ne’ebé Maromak hakarak imi atu halo hodi ajuda sira. Imi haree katak bainhira Maromak haraik bénsaun ba imi, Nia sempre fó bénsaun ba ema seluk (haree Genesis 12: 1 – 2).
(3) Maromak sei hatudu ba imi lia-loos kona-ba imi-nia an rasik. Imi sei komesa komprende no valoriza katak imi importante tebes ba Nia. Sin, nia sei fó sai imi-nia problema no imi-nia fraku sira. Maibe nia sei halo buat barak liu fali nee. Nia sei hatudu ba imi posibilidade sira ne’ebé Nia haree iha imi-nia laran no planu sira ne’ebé Nia iha ba imi (haree Jeremias 29: 11).
Entaun, uza tempu atu estuda Ita-nia Biblia loroloron. No gasta tempu balun n ne’e atu lee deit, la koko atu hadook an husi konseitu teolojiku ne’ebé kompleksu. Lee no simu buat ne’ebé Maromak tenke hatete, no husik Ninia espíritu ko’alia ba imi-nia laran. No iha ne’e mós hanoin ida tan: Tanba Biblia mak livru ida de’it ne’ebé Maromak hakerek ona, no loron ida imi sei hamriik iha autór nia oin, loos ka lae, imi hakarak atu fó-hatene ba Nia katak imi lee ona ninia livru?
Aihan Espiritual: Roma 3:21-6:23, Lc 10:13-24, Salmo 28, Pro 5:3-6