‘Bainhira imi buka Hau, imi sei hetan, bainhira imi husu ba Hau ho imi nia fuan tomak.’ Jeremias 29:12
Tanba sira la halo tuir Maromak, ema Judeu sira sai atan ba tinan 70 iha Babilonia. Sira lakon sira-nia ksolok, sira-nia liberdade, no sira-nia identidade; buat hotu ne’ebé halo moris merese atu halao. Maibe Maromak seidauk ramata ho sira. Nia hatete ba sira: ‘Tanba Nai hatete nunee: Bainhira too ona tinan hitu-nulu iha Babilónia, Hau sei vizita imi. Hau sei kumpri fali Hau nia liafuan diak ba imi, no lori imi fila fali mai iha fatin nee. Tanba Hau hatene Hau nia planu nebee Hau halo kona ba imi, hatete Nai, planu dame nian no laos planu aat, hodi foo ba imi futuru ida nebee iha esperansa. Depois imi sei bolu ba Hau, no mai hodi halo orasaun ba Hau, no Hau sei rona ba imi. Bainhira imi buka Hau, imi sei hetan, bainhira imi husu ba Hau ho imi nia fuan tomak. Imi sei hetan Hau, hatete Nai, no Hau sei halo diak fali imi nia moris,a no Hau sei halibur fali imi hosi nasaun hotu no hosi fatin hotu nebee Hau duni imi ba ona, hatete Nai, no Hau sei lori imi fila fali mai ba rai nee, hosi fatin nebee Hau haruka ona imi ba kastigu.’ (Jeremias 29: 10-15)
Karik Ita lao sala dalan ona. Ita hotu konserteza hasoru ona buat sira ne’e. Maibe kuandu imi lee istória husi Biblia kona-ba ema ne’ebé Maromak haraik bénsaun no uza, imi hatene katak falha laos buat ne’ebé aat. dalabarak, ida-ne’e hanesan parte ida husi aprendizajen. Faktus mak, Tuir loloos, la iha buat ida iha imi-nia tempu uluk ka agora ne’ebé Maromak labele uza. Bainhira ita tama iha mundu nee, ita ida la hatene ho loloos saida mak ita tenke halo ba ita-nia moris. No ne’e di’ak loos. Hahu de’it husi fatin ne’ebé Ita hela daudaun.
Bainhira Maromak tau fali imi-nia moris, nia hahú hodi fó esperansa ba imi, tanba esperansa ne’ebé Maromak fó de’it mak sei hametin imi liuhusi tempu susar. Se Ita-Boot hanoin hela se Ita sei to’o ba fatin ne’ebé Ita-Boot hakarak hela ka lae, fila fali ba no kumpre fali buat ne’ebé Maromak promete ona ba ninia povu: futuru ne’ebé nakonu ho esperansa. No Maromak ne’ebé fó oportunidade seluk ba ema Izrael sei fó mós oportunidade ida ba imi bainhira imi fila fali ba Nia.
Aihan Espiritual: Kronikas 7:12-16, Mateus 6:5-15, Lucas 18:1-8