‘Maibee O, Oh NAI, mak eskudu ida nebee proteje hau, O mak hau nia glória no O hiit sae hau nia ulun.’ Salmo 3: 3
Bainhira Elias iha ninia pontu baixu (titik terendah), Maromak fó-hatene ba Elias buat tolu ne’ebé importante:
(1) Uza tempu barak liu ho Maromak. ‘Sai hosi fatuk kuak nee, no hamriik iha foho leten nee iha Hau nia oin.’ (1 Liurai 19:11) Iha ne’ebá mak ‘Maromak ko’alia ba nia ho lian ki’ik deit iha anin laran.’ (1 Liurai 19:12) Liafuan “nafatin” hanorin ita katak duke sempre serbisu ba Maromak, ita presiza uza tempu hamutuk ho Maromak. Se ó la halo nunee, ó sei lakon enerjia, no la hetan buat ida. Bainhira David sente laran-tun, nia hakerek: ‘Ema barak koalia kona ba hau nia moris, “Nia la iha salvasaun iha Maromak.” Maibee O, Oh NAI, mak eskudu ida nebee proteje hau, O mak hau nia glória no O hiit sae hau nia ulun. Ho lian makaas hau bolu ba NAI, no Nia hataan hau hosi Ninia foho santu. (Salmo 3:2-4)
(2) Keta koko atu halo buat hotu mesak deit. Nee mak dalan ne’ebé lalais ba depresaun. Lideransa la’ós de’it kona-ba hetan servisu ne’ebé halo, maibé kona-ba dezenvolve ema seluk no hetan servisu ne’e liuhusi sira. Elias la mesak deit. Maromak hatete ba nia: ‘Maibee Hau sei iha ema nain rihun hitu iha Israel nebee la hakneak ba estátua Baal, no la rei nia.’ (1 Liurai 19:18) Keta halo de’it servisu – aprende atu koopera!
(3) Percebe katak Ita-nia knaar seidauk remata. Maromak hatudu ba Elias katak sei iha Liurai ne’ebe tenki unji, funu sira ne’ebé atu manán, no liurai futuru ne’ebé atu prepara (haree 1 Reis 19: 16). Ita presiza razaun ruma atu sai husi kama dadeer ka lae? Maromak sei fó ida ba imi! Bainhira senti la vale, Nia la hirus ba ita. Tuir loloos, Ninia Liafuan dehan: ‘Tahan dodok ida hosi duut iha bee lihun nia sei la halo tohar, no kandieiru nebee suar uitoan deit nia sei la taka, too nia harii justisa ho fidelidade.’ (Isaias 42: 3)
Nee mak Maromak nia laran-di’ak ne’ebé nakonu ho domin!
Aihan Espiritual: Exo 16-18, Lucas 12:49-59, Sal 70, Pro 6:26-28