‘Maromak servisu iha imi atu halo imi prontu no bele halo tuir Nia.’ Filipe 2:13
Makina iha karreta ne’e mak nia fonte enerjia, no nia ativadu bainhira ita tau karreta iha gear. Ho ida ne’e mak karreta ne’e bele lori imi ba fatin ne’ebé imi presiza ba. Perigu ida husi buka atu sai nakonu ho Espíritu Santu mak ita bele hamenus sai ba ‘esperiénsia’ ida-idak nian duke ‘prepara’ atu bele realiza buat ne’ebé boot ba Maromak.
Iha Testamentu Foun bainhira ema ruma sai nakonu ho espíritu santu, buat ruma akontese. Ema fila fali ba Kristu. Kura akontese. Iha tempu ida, sira hetan sunu livru iha sidade nia fatin (haree Apostolu 19: 19). Sira la’ós selebra de’it iha igreja – sira lori ba estrada! Iha Eskritura, ita-nia imajen primeiru kona-ba Maromak mak kona-ba Nia iha Ninia knaar kriativu. Nia kria ita tuir Ninia ilas, Nia fó moris mai ita, depois Nia hatete ba ita: Sai ba no sai produtivu. (Haree Genesis 1:28)
Se ita halo orasaun ba ema ne’ebé iha resposta hotu atu mai no troka ita-nia situasaun, ida-ne’e sei la akontese. Ita la’ós espektador ne’ebe dezamparadu. Buat ne’ebé Maromak tau ona iha imi-nia laran sei troka buat ne’ebé iha imi-nia li’ur – se imi tau buat ne’e iha imi-nia laran! Buat ne’ebé iha imi-nia laran boot liu fali problema ne’ebé imi hasoru ona, situasaun ne’ebé imi hasoru daudaun, ka obstákulu sira ne’ebé imi hasoru iha imi-nia dalan. Bainhira buat hotu ne’ebe haleu imi hateten lae no buat ruma iha imi nia laran dehan sim. ne’e katak ‘Maromak … serbisu iha imi-nia laran atu halo imi prontu no bele halo tuir Nia.’ Pronto mak imi nia parte, ‘konsege’ ne’e Ninia parte.
Bainhira imi halo buat rua ne’e sai hamutuk, imi-nia moris sei muda.
Aihan Espiritual: Exo 28-29, Lucas 14:15-24, Sal 106:1-23, Pro 7:1-2