‘Imi sei sai riku ho buat oi-oin hodi imi bele hatudu laran luak oi-oin. 2 Korinto 9: 11
Hanoin to’ok oinsá ema ne’ebé halo kompañia eletrisidade hamosu enerjia depois ekonomiza hotu. Sira-nia kliente sira sei iha nakukun laran, no kompañia ne’e sei taka! Prinsipiu ne’ebé hanesan mós aplika ba ita-nia finansas. ‘Ema ida-idak tenki foo tuir buat nebee nia desidi ona iha ninia fuan laran. La bele foo ho laran todan ka tanba ema obriga ita. Tanba Maromak hadomi ema nebee foo ho laran kontenti. No Maromak bele foo grasa bar-barak ba imi, atu nunee imi sempre iha buat hotu nebee imi presiza hodi imi bele halo servisu diak hotu. Hanesan ema hakerek nanis ona, “Nia fahe ho laran luak, no nia foo ba ema kiak, ninia hahalok loos sei dura too rohan laek.” Nia nebee foo fini ba ema nebee kari no paun hodi ema bele haan sei foo no habarak imi nia fini hodi kuda. No Nia sei aumenta rezultadu hosi imi nia hahalok loos. Imi sei sai riku ho buat oi-oin hodi imi bele hatudu laran luak oi-oin. No liu hosi ami, imi nia hahalok nee sei halo ema seluk foo agradese ba Maromak.’ 2 Korinto 9: 7-11). Ema balu lakohi fó tanba sira karakten, maibe iha kazu dala barak la hanesan nee. Tuir loloos, ita preokupa liu hodi kuidadu ba ita-nia interese rasik, tanba karik hetan la hetan husi ema seluk. Maibe hanoin hanesan ne’e la iha signifikasaun. Ida-nee hanesan toos-nain ida lakohi kuda ninia toos tuir mai tanba nia ta’uk atu husik nia fini sai.
Biblia hatete, ‘Foo onra ba NAI ho o nia riku-soin, no ho o nia ai fuan primeiru hosi rezultadu nebee hosi o nia toos. (Proverbiu 3: 9) Seraque tanba Maromak kiak no nia presiza ida-nee? Lae! Nia hakarak ita atu kuda ba Ninia reinu hodi:
(1) Ninia serbisu no ninia hakarak bele halo iha rai, no
(2) imi sei kuu bainhira imi presiza.
Jesus hatete bainhira imi ‘Buka uluk Maromak Nia reinu no Ninia lialos, nune’e buat hotu sei aumenta ba imi.’ (Mateus 6: 33) Bainhira imi sai kanal bensaun ba Maromak nia Ukun, imi sei hetan bénsaun iha dalan hotu. Tuir loloos, bainhira ita konsidera ita-nia osan husi Biblia nia prespektiva, buat ne’ebé ita tenke ta’uk la’ós fo barak – maibe bainhira kuda uitoan deit!
Aihan Espiritual: Exo 30-32, Lucas 14:25-35, Sal 106:24-48, Pro 7:3-5