‘Bainhira Jesus haree feto nee, Nia bolu feto mai.’ Lukas 13:12
‘No tebes, iha feto ida nebee iha espíritu nebee halo nia bonko durante tinan sanulu resin ualu. Nia hakruuk nafatin deit no la bele hamriik loos. Bainhira Jesus haree feto nee, Nia bolu feto mai. Nia dehan ba feto nee, “Feto, o livre tiha hosi o nia moras nee.” No Jesus tau liman ba nia, no nia hamriik loos kedas no hahii Maromak.’ Lukas 13: 11-13) Feto ne’e la bele la’o ho loloos tanba nia iha ona relasaun ho espíritu infirmidade durante tinan 18.
Nee tempu naruk atu luta hasoru buat ruma. Iha tempu neeba, feto ne’e mai ona iha igreja no la simu ajuda. Tuirmai Jesus bolu feto ne’e ba iha oin. Tanbasa mak nia la kura de’it feto ne’e iha ninia kadeira? Tuir mai iha razaun rua:
(1) Maromak hakarak ita atu hatudu fiar no halo tuir Ninia Liafuan. Bainhira ita moris ho problema ne’ebé la rezolve ba tempu naruk, ita komesa hanoin: Ida ne’e sei nunka muda. Entaun, antes Maromak troka imi-nia situasaun, Nia troka imi-nia hanoin no husik imi haree posibilidade foun sira. Ida-nee hanaran fiar. Biblia dehan: ‘Maibee se ita la fiar, ita la bele halo Maromak kontenti. Tanba ema nebee hakbesik ba Maromak tenki fiar katak Maromak iha duni no Nia sei foo kolen ba sira nebee buka Nia ho laran.’ (Ebreu 11: 6) Ohin loron Maromak hakarak atu haree imi la’o ba Nia.
(2) Maromak hakarak ita atu investe iha ita-nia aan rasik. Bainhira ita investe iha buat ruma, ita valoriza no proteje ida-nee. Nunee, kuandu Satanas koko atu lori fali problema nee, imi dehan: Lae, ha’u la simu ida-nee. Nee la’ós tan ha’u ida uluk. Hau mak kriasaun foun ida iha Kristu.”
Aihan Espiritual: Est 1-4, Lucas 16:19-31, Sal 24, Pro 7:24-27