‘Bainhira Jesus haree feto nee, Nia bolu feto mai.’ Lukas 13:12
Ita la hatene tempu hira mak feto ne’e presija atu to’o iha igreja bainhira Jesus bolu nia. ne’e Ema ne’ebé kanek la konsege book an lalais hanesan ema seluk. Iha lisaun importante rua ba ita iha ninia istória.
(1) Dala ruma ita la sai buras no maduru lalais hanesan ema seluk tanba ita luta ona ho problema ne’ebe halo fraku ita ho tempu naruk ona. Buat ne’ebé ita hare fasil ba ema seluk bele sai difisil tebes ba ita. Maibe liafuan di’ak mak tuirmai nee: Jesus sei hein imi, no Nia sei serbisu ho imi to’o imi rezolve imi-nia problema.
(2) Ita sei konta testemunha depois de sai husi teste/problema ne’ebe iha. No buat saida de’it ne’ebé imi liu ona, ohin loron Jesus bolu imi. Nia dehan: Hamriik ba! O bele hakbesik mai Hau.” Maski imi halo ona buat rum aka buat ne’ebe haterus imi, Nia bolu imi.
Karik imi hanoin katak imi-nia segredu aat liu fali ema seluk. Hatene ba katak Maromak hatene buat hotu kona-ba imi. Ninia promesa mak tuirmai nee: ‘Hau hadomi o ho domin rohan-laek, tamba ne’e Hau hatutan Hau nia grasa ba o. Hau sei harii fali o, nunee o sei iha fali.’ (Jeremias 31: 3-4) Hanesan ema profisinal ne’ebé kria estatua furak husi fatuk-murak ida, Maromak mós bele muda imi nia problema sai mensajen esperansa ba ema seluk. Razaun ne’ebé Satanas ataka ona imi mak tanba imi iha buat ne’ebé folin-boot atu kontribui ba ema seluk.
Istoria kona-ba feto ne’e remata ho liafuan tuirmai nee: ‘Ema barak haksolok tanba buat furak hotu ne’ebé Maromak halo ona.’ (Lukas 13:17) Maromak nia planu mak atu ema haree Ita-nia moris no dehan: Buat ruma akontese ona ba Ita; Ita la hanesan ita ida uluk!
Aihan Espiritual: Est 5-10, Lucas 17: 1-19, Salmo 18: 1 – 29 , Pro 26: 24 – 27