‘Bainhira Jesus haree feto nee, Nia bolu feto mai.’ Lukas 13:12
Relijiaun labele rezolve feto ne’e nia problema. Doutor sira mos la konsege kura nia. Ema hotu, até feto ne’e hanoin katak nia problema mos labele rezolve. Maibe la’ós ho Jesus. Ninia promesa mak: ‘Mai ba Hau, imi hotu ne’ebe senti kolen no todan, Hau sei fo kmaan ba imi.’ (Mateu 11:28)
Ita bele fó Ita-nia todan ba Jesus. Maski moris ne’e susar tebes. Maski imi hasoru susar oioin iha imi-nia dalan, imi tenke ba hasoru Jesus. karik imi kous hela bebé ida fora husi kazamentu, maibe kontinua besik ba Nia. Karik imi hetan abuzu, hetan terus no nunka fó-hatene ba ema ida, maibé keta para atu hakbesik ba Nia. Imi la presiza fó-hatene ba ema hotu imi-nia pasadu tomak. Hatene ba katak Jesus bolu ona o. Nia hatene imi-nia tempu uluk, maibé Nia nafatin bolu imi. Nia la haree imi hanesan imi ida agora, maibé Nia sei haree imi hanesan imi ne’ebe sei iha mudansa, bainhira Ninia grasa servisu iha imi-nia fraku.
Feto Samaria ne’ebé iha bee-posu ne’e ema deskrimina tanba ninia moris ne’ebé laiha moral, maybe nia hetan hili atu fó-hatene ema barak liután kona-ba Jesus (haree Joao 4:39). Mateus, ne’ebé hakerek livru primeiru husi Testamentu Foun, mak kobrador impostu ne’ebé serbisu ba ema Roma, no ema barak la gosta nia, bainhira nia hasoru Jesus. Maibe Jesus la konfirma kona-ba imi-nia passadu, hodi deside saida mak Nia sei halo ba imi-nia futuru. Saul husi Tarsu, ema ne’ebé oho ema kristaun, nia sai apóstolu Paulo, ne’ebé hakerek metade husi Testamentu Foun.
Liafuan di’ak mak, kuandu Jesus salva imi, imi la iha ona tempu uluk. Imi iha de’it futuru ida.
Aihan Espiritual: 2 Tes 1-3, Lucas 17:20-37, Salmo 115, Pro 8:1-3