‘Maromak nia laran luak.’ Roma 12: 1
Paulo hakerek: ‘Nunee hau husu imi, maun-alin sira, tanba Maromak nia laran luak, atu foo imi nia isin nudar sakrifísiu moris nian, nebee santu no Maromak bele simu. Ida nee mak imi nia ministériu espirituál nian. Keta halo tuir mundu nee. Maibee troka imi nia hahalok liu hosi hanoin foun. Atu nunee imi bele hili dalan nebee tuir Maromak nia hakarak, nebee diak no perfeitu no Maromak bele simu.’ (Roma 12:1-2) Iha dalan rua atu komprende Maromak nia direitu atu ukun:
(a) Liuhusi Ninia inisiativa, no
(b) liuhusi ita-nia resposta.
Tuir loloos, Paulo dehan nunee:
(1) Reziste ba presaun husi mundu ne’ebé dada ita ba dalan ne’ebé sala;
(2) Hafoun fali imi-nia hanoin loroloron liuhusi orasaun no lee Maromak nia Liafuan;
(3) Konese Ninia hakarak ba imi no moris tuir Nia.
Maibe Paulo la para iha neeba.Nia hakerek: ‘Hatudu domin nebee la finji. Odi buat nebee aat. Kaer metin ba buat nebee diak. Hadomi malu tebe-tebes ho domin maun-alin nian. Buka uluk atu foo onra ba malu. Keta baruk atu hatudu laran badinas, manas iha espíritu, no serví Nai. Sai haksolok iha esperansa. Hatudu pasiénsia iha terus laran no halo orasaun nafatin. Bainhira santu sira presiza buat ruma, fahe ba. Hakaas aan atu simu bainaka ho laran diak. Foo bensaun ba sira nebee haterus imi. Foo bensaun, keta foo malisan. Haksolok ba ho sira nebee haksolok, no tanis ba ho sira nebee tanis. Lao ho neon ida laran ida. Keta foti aan, maibee lao hamutuk ho ema kiik. Keta haree aan nudar ema matenek klean. Se ema halo aat ba ita, keta selu aat fali ba sira. Hanoin atu halo buat nebee diak iha ema hotu nia oin. Se ita bele karik, tuir ita nia kbiit, dame malu ho ema hotu.’ (Roma 12: 9 – 18)
Maromak nia soberania la halo ita livre husi ita-nia responsabilidade. Nee la dehan katak ita tenke lakon interese ba asuntu atuál ka halo desizaun ne’ebé informadu. Maromak hein nafatin katak ita sei haka’as an atu sai ema ne’ebé di’ak no hatudu katak ita preokupa ho mundu ne’ebé lakon. Hodi hatene Maromak nia soberania, ida-ne’e halo imi livre husi halimar no fó dalan ba imi atu haksolok la’o ho Nia.
Aihan Espiritual: Job 1-4, Lucas 18:1-17, Salmo 11, Pro 8:4-5