‘Imi tenki hatudu laran diak ba malu, no laran luak. Foo perdua ba malu, hanesan mos Maromak foo perdua ba imi iha Kristu.’ Efezu 4:32
La iha buat ida-ne’ebé aat liu fali duke moras ne’ebé inan-aman halo ba sira-nia oan. Dala barak ne’e mai husi ignoránsia, maibé ne’e la hamenus kanek bainhira ita iha posizaun ida hanesan ne’e.
Stormie Omartian hakerek: ‘Nesesidade sira ne’ebé la hetan kompletu iha tempu labarik laran kontinua iha idade adultu, maibe dalaruma sira subar metin par ema labele hatene. Se ó hetan abuzu bainhira sei labarik, keta hanoin sala no dehan: ” Hau moris fali karik—hau lolos labele hetan kanek.” ne’e la nega Ita-Boot nia estatutu moris-hias nian ka la halo Ita sai menus iha relasaun espirituál ho Ita. Tanba ema dalaruma atu haree Maromak hanesan sira haree sira-nia inan-aman, ida-ne’e lori tempu atu kura, salva no hatene Maromak nia domin molok sira-nia fiar tomak mai. Perdua inan-aman mak parte importante husi ita-nia kbiit atu kura (no importante atu evita abuzu ba ita-nia oan rasik). Imi tenke fó perdua ba aman ne’ebé nunka proteje imi, inan ne’ebé halo maus tratus no abuzu ba imi, aman ne’ebé la hadomi imi, avo ka tiu ne’ebé halo ofensa seksuál ba imi, inan-aman ne’ebé nunka iha ne’ebá ka husik imi sai… inan-aman ne’ebé egoista no dehan sira nunka hakarak imi nia prejensa, ka inan-aman ne’ebé iha defisiénsia emosionál ne’ebé la hatene oinsá atu fó-hanoin didi’ak ba imi. Esperiénsia hirak-ne’e sei kontinua hakanek ita se ita la… halakon moras no terus hotu ne’ebé ita hasoru… no husu [ Maromak] atu ajuda ita fó perdua… Nia mak Maromak ida-ne’ebé halo ita-nia moris sai di’ak fali no fó perdua ba ita, atu nune’e Nia bele hadi’a fali ita-nia pasadu. Nia bele hamenus problema ne’ebé mosu entre imi no imi-nia oan, inan-aman, ka kolega sira. Restorasaun la akontese kalan ida, maibé redensaun (penebusan) bele. Husik Maromak hadi’a Ita-nia situasaun agora, atu nune’e Ita bele fila fali ba dalan ne’ebé loos.”
Aihan Espiritual: Job 8-10, Lucas 19:1-21, Sal 116:1-11, Pro 8:8-9