‘Maromak, iha buat hotu nia laran servisu tuir desizaun Nia hakarak.’ Efezu 1:11
Maromak dehan: Hau mak Alfa no Omega, Ida primeiru no ikus, inísiu no rohan. (Apokalipse 22:13) Maromak deside rezultadu ikus ne’ebé Nia hakarak, depois Nia hahú inisiu no halo serbisu atu hetan rezultadu nee. ‘Nia sempre halo tuir buat ne’ebé Nia planu.’
Jose hatene katak maski nia família kontra nia, Maromak nia planu sei sai loos nafatin. Nia hateke ba kotuk no dehan: ‘Loos katak imi halo planu ne’e aat ba hau, maibe Maromak planu ida ne’e diak ba hau.’ (Jenesis 50:20) Maibe keta kompara ‘diak’ ho ‘konfortavel.’ Bainhira Maromak korrije ka hadi’a Ita, ida-ne’e la sempre halo Ita sente diak. Maibe ne’e di’ak duni!
David hatete: Bainhira Ita korrije ha’u, ida-ne’e halo ha’u kontente tanba ida-ne’e hanorin hau. (Salmo 119:71) Se imi la hatene Maromak nia planu, buka Nia to’o nia hatudu ba imi. Buat seluk karik sai urjente liu, maibé la iha buat ida mak importante liu. No se imi hatene ona Maromak nia planu, iha serteza katak ema nia hahalok la bele kansela.
Ema ne’ebé hakerek salmu ne’e dehan: ‘NAI sei rezolve ba hau! Oh NAI Ita nia domin rohan-laek. (Salmo 138: 8) La iha situasaun ida-ne’ebé Satanas bele imajina katak Maromak fo ona solusun. Paulo fó laran-manas mai ita: ‘Tanba Maromak fiel, tan ne’e Nia sei la husik imi hetan tentasaun ne’ebé boot liu fali imi-nia kbiit, maibé ho tentasaun ne’ebé imi hetan, nia mós sei halo dalan ba imi atu halai-sai, atu nune’e imi bele tahan.’ (1 Korinto 10:13)
Iha momentu imi hetan koko, imi sei hatene katak Maromak ne’e fiel. Nia sei kesi imi, maibé nunka liu fali imi-nia momentu ne’ebé halo imi monu. Ninia planu mak atu ita bele sai husi esperiénsia ne’e ho forsa no prontu liután ba saida mak sei akontese tuir Ninia ajenda (planu).
Aihan Espiritual: Job 15-17, Lucas 19:41-20:8, Salmo 13, Pro 8:14-16