‘Nee mak dalan; la’o iha dalan ne’e.’ Isaias 30:21
Joni Eareckson Tada ko’alia kona-ba grupu kolega ida-ne’ebé mak iha foho-leten hodi ko’alia kona-ba dalan ne’ebé atu ba. Mane ida dehan: Nee mak parte súl! Ida seluk hatan: Lae, ne’e mak parte leste. Ema hotu deskuti malu kona ba ida ne’e, ikusmai ema ida hasai kompas no dehan, Ita bele rezolve lalais ida nee. Depois ida ne’e, kompass konfirma katak lolos sir aba iha parte oeste!
Únika fonte ne’ebé ita bele konfia mak iha desijaun final, no la iha ema ida mak sei diskute. Iha loron tomak, lian barak mak hakarak hadau ita nia atensaun, no dalaruma lian balun mos bele sala. Importante: Ita hatene didi’ak lian ne’ebé mak Ita tenke rona, tanba se ita haree de’it ita-nia situasaun, ita sei sai duvidas. Telefone ruma ne’ebe ita la espera, relasaun ne’ebé nakonu ho difikuldade, lakon servisu, ka labarik moras ida bele halo parte norte haree hanesan parte súl no parte leste haree hanesan parte oeste. Bainhira ida-ne’e akontese, fasil atu lakon ita-nia diresaun, lalais foti konkluzaun, no remata hili dalan ne’ebé sala.
Biblia hatete: ‘No imi nia tilun sira sei rona liafuan ida iha imi nia kotuk nebee dehan, “Dalan mak nee, lao ba,” bainhira imi fila ba liman loos, ka bainhira imi fila ba liman karuk.’ Iha de’it matenek no lia-loos ne’ebé loos, no Pedro rekoñese katak bainhira nia husu: Nai, se mak ami sei ba? Ita bo’ot nia liafuan deit mak liafuan moris rohan-laek nian.” (Joao 6:68)
Imi la presiza hatene uluk buat hotu. Nee la’ós Maromak nia maneira. Dala barak, Nia la hatudu ba ita Ninia dezeñu boot tanba Nia lakohi ita kolen hodi hanoin katak ne’e imposivel. Nia hakarak atu haburas fiar ne’ebe la nakodoko iha Ninia karakter no Ninia diak; no atu kumpre Ninia planu, imi tenke sadere ba Ninia kbiit.
Aihan Espiritual: Job 21-23, Lucas 20:27-47, Sal 55:12-23, Pro 8:19-21