‘Maibee Hau nia ema loos sei moris liu hosi ninia fiar.’ Ebreu 10:38
Moris ho fiar mak buat ne’ebé ita aprende atu halo hodi prátika loroloron. Antes imi sai ema kristaun, imi tau fiar ba imi-nia kapasidade no matenek rasik. Maibe buat sira-ne’e de’it mak lori imi to’o agora no la’ós dook liu tan, loos ka lae? Agora imi tau fiar ba Maromak tanba matenek, matadalan, rekursu no kbiit atu kumpre Ninia hakarak ba imi-nia moris.
Biblia hatete: ‘Liu hosi fiar mak Noé halo roo boot hodi salva ninia uma kain ho laran nebee hamtauk Maromak. Tanba nia simu avizu hosi Maromak kona ba buat nebee sei akontese nebee ema seidauk haree. Liu hosi buat nee nia kondena mundu no simu moris loos nudar liman rohan nebee mai liu hosi fiar.’ (Ebreu 11: 7) Bainhira Noe harii arka nee, la iha sinál udan nian. Moris tuir fiar la’ós buat ne’ebé sempre iha sentidu. Nee la dehan katak ita-nia problema sira sei lakon nune’e deit. Dala ruma fiar troka ita-nia situasaun; dala ruma fiar troka ita-nia hanoin. Oinsa? Liuhusi fó obrigasaun ba imi atu aguenta iha ne’ebá bainhira osan la to’o iha imi-nia konta, ka doutór dehan kondisaun ne’e la bele kura, ka imi-nia kaben husu atu soe-malu, ka labarik sira hatudu hahalok beik, ka kompañia ne’ebé imi servisu tiha ona iha tinan 20 liubá taka odamatan.
Fiar fó forsa ba imi atu tahan, fiar katak Maromak sei rezolve imi nia problema. Eskritura hatete: ‘Fiar mak laran metin ba buat sira nebee ita espera atu simu, no hatudu realidade kona ba buat sira nebee ita la haree.’ (Ebreu 11: 1) Moris tuir fiar katak:
(1) Hodi halo tuir Maromak no fiar ba Nia sei nunka halo imi kecewa;
(2) La’o tuir ema baibain nia hakat sira ne’ebé halo buat ne’ebé boot ba Maromak;
(3) Uza imi-nia fiar tanba imi hatene katak ne’e mak moeda mesak ne’ebé Maromak rekoñese.
Bainhira Biblia dehan: Ema ne’ebé laran-loos sei moris tuir fiar, ne’e la’ós katak fiar ne’e nakdoko uitoan deit, maibé katak fiar ne’e sai moris-di’ak.
Aihan Espiritual: Fil 1-4, Lucas 22:54-62, Sal 31:14-24, Pro 9:1-3