‘Maibee Espíritu nia ai fuan mak nee: domin, ksolok, dame, pasiénsia, laran diak, hahalok diak, fidelidade.’ Galasia 5:22
Dala barak paniku no laran-susar mak ita-nia reasaun dahuluk ba konflitu no problema sira. Iha momentu inisiu bainhira ita hanoin atu hili dame parese imposivel. Ita nia sub-konsiente kolia dehan: Se Ita fo importansia ba ida ne’e, Ita sei preokupa dunik. Bainhira ta’uk hahú mosu, importante tebes atu fila fali ba Espíritu Santu no tama ba dame ne’ebé Nia fó ba ita. Paniku mak inimigu, la’ós situasaun. Anxiedade bele fó kbiit no haluan de’it problema ne’ebé ita hasoru. Ita-nia rekursu ne’ebé di’ak liu atu rezolve problema mak sempre dame.
Ta’uk no laran-susar blokeia solusaun; resposta sira suli lalais liu no naturalmente husi hanoin ne’ebé dame. No Maromak nia dame sempre iha ba ita se ita hili atu uza. Paulo hakerek: ‘Keta laran susar no tauk.’ Rejeita atu husik ita-nia emosaun negativu la kontroladu. Keta husik sira deside Ita-nia resposta.
Jesus hatete: ‘Hau husik dame ba imi. Hau foo Hau nia dame ba imi. Hau foo ba imi laos hanesan mundu foo. Keta laran susar, no keta laran tauk.’ (Joaun 14: 27) Nee katak ita iha opsaun; ita bele hili entre dame no konflitu laran. Iha versíkulu ne’ebé hanesan, Jesus mós dehan: ‘Hau foo Hau nia dame ba imi.’ (Joaun 14:27), no husik hela rikusoin ligadu ho heransa. Bainhira ema ida mate, sira husik sira-nia sasán ne’ebé sira hadomi liu ba ema ne’ebé sira hadomi. Maibe so Jesus deit mak husik Ninia dame ba ita, mais bainhira Nia husik dame ba ita la signfika dame ne’e sei automatikamente servisu iha ita nia laran. Liutan nee, kuandu ita lakon ita-nia dame, susar liu atu rona husi Maromak.
Bainhira Paulo hatete: ‘Husik Kristu nia dame ukun iha imi nia fuan laran.’ (Kolose 3: 15) liafuan ” ukun ” katak ukun no kontrola. Tan nee, duke husik ita-nia an sai laran-taridu no tauk ohin, hili dame.
Aihan Espiritual: Mat 21:1-16, Sal 118:19-29