‘O tenki forti no brani ba!’ Josue 1:9
Hatene kona ba funu ne’ebe tenke halo atu manán rai ne’ebé Maromak promete ona, Nia hatete ba Josue dala tolu: Sai forte no aten-barani. Bainhira ita la’o ba oin, obstákulu sira sei taka ita-nia dalan. Konfia ida ne’e!
H.G. Wells husu: Saida mak ema ida sei halo bainhira se buat ruma la taka ninia dalan? Ne’e katak sá? Dalan ne’e no susar ne’e mak imi-nia belun – maski dalaruma sente hanesan imi-nia inimigu. Obstakulu hotu ne’ebé ita hasoru hatudu ita-nia forsa no fraku sira, hodi forma sai matenek liu no fiar an.
Poeta Ralph Waldo Emerson hakerek: Buat naran de’it ne’ebé imi halo, imi presiza aten-barani. Dalan saida deit ne’ebe ita desidi, sempre iha ema ida-ne’ebé hatete katak ita sala. Sempre iha difikuldade ne’ebé mosu ne’ebé koko imi atu fiar katak imi-nia kritika sira loos. Atu halo mapa kona-ba asaun ida-ne’ebé la’o ba oin, presiza aten-barani hanesan soldadu ida presiza. Pas iha ninia vitória sira, maibé presiza ema sira ne’ebé aten-barani atu manán.” Bainhira imi sai husi imi-nia zona seguru no ho fiar hodi la’o tuir Maromak, imi sei hetan koko. Maibe imi mós sei to’o ba fatin aas ne’ebé imi hanoin katak aas liu imi no la’o ba oin liu fali ema ne’ebé iha talentu boot liu ne’ebé bele halo ho fasil.
Paulo hakerek kona-ba terus hanesan ne’e ba povu Korinto: ‘Buat hotu nee akontese tanba imi, atu nunee bainhira grasa habelar ba ema barak liu tan sira sei foo agradese liu tan ba Maromak nia glória. Nunee ami la sai fraku. Maski ami nia isin iha liur bele sai aat,d ami nia laran sai foun fila fali loron ba loron. Tanba terus kamaan iha momentu nee sei prepara ita ba glória nebee iha folin todan liu too rohan laek.’ (2 Korinto 4:15-17)
Aten-barani bele define hanesan ‘la rende an.’
Aihan Espiritual: Lev 5-7, Lucas 23:1-12, Sal 18:30-50, Pro 9:7-9