‘Tanba Maromak foo espíritu ba ita nebee la tauk maibee iha kbiit, domin no halo ita kontrola aan.’ 2 Timoteo 1:7
Fundasaun ba lideransa di’ak mak seguransa. Paulo hatete ba Timoteo: ‘Tanba Maromak foo espíritu ba ita nebee la tauk maibee iha kbiit, domin no halo ita kontrola aan.’ Imi tenke hatene ho laran-metin katak Maromak bolu imi, prepara imi, no fó garantia ba imi-nia susesu ikus. No imi tenke hanoin-hetan ida-ne’e bainhira ema la gosta imi, bainhira osan lakon, bainhira morál la di’ak, no ema seluk la simu imi. Se Ita-Boot sente la seguru, ta’uk sei halo Ita-Boot estraga Ita-Boot nia lideransa rasik.
Lider sira ne’ebé fiar-an haree saida mak iha, no mantein sira-nia vizaun kona-ba saida mak bele. Sira ladún kontente ho buat ne’ebé sira halo. Hanesan Prezidente Ronald Reagan koalia halimar dehan, ‘Estatus quo…mak lian latina ba konfuzaun sira ne’ebe ita hasoru!” Tuir definisaun, lideransa mak hamrik iha oin, manán mundu foun, no la’o dook husi status quo. La kontente ho status quo la signifika iha atitude ne’ebé aat ka murmura; ida-ne’e ligadu ho prontu atu diferente no atu foti risku. Ema ne’ebé lakohi foti risku hodi sai diferente mak ema ne’ebé falla atu sai buras. Lider ida-ne’ebé hadomi status quo mak ema ne’ebé lakleur tan muda sai hanesan tuir-nain.
Raymond Smith husi Bell Atlantic Corporation hateten dala ida, Administrador sira fasil atu hetan no baratu atu rai. Lider sira-ne’ebé foti risku – oituan tebes. No sira ne’ebé iha vizaun mak osan-mean ne’ebé moos.” Ema barak mak konfortavel liu atu hasoru problema sira ne’ebé uluk mosu duke halo buat ne’ebé presiza atu hetan solusaun foun; risku ne’e parese perigozu ba sira. Segredu mak atu iha hahalok manán nian – hahalok ne’ebé mai husi fiar katak se mak ita no buat ne’ebé ema bolu ita atu halo. Hanoin to’ok kona-ba nee!
Aihan Espiritual: Lev 8-10, Lucas 23:13-25, Sal 26, Pro 9:10-12