“Oh mate, o nia vitória iha nebee? Oh mate, o nia tata iha nebee?” 1 Korinto 15:55
Iha operasaun tata, ajente sira ne’ebé hala’o lei organiza ema aat atu hamonu nia. Nee mak buat ne’ebé Maromak halo ba Satanas iha kruz. Ba loron tolu, Satanas manán ona. Tuirmai, Jesus hamriik husi mate no hahu fali Ninia planu: ‘Nia kolu ukun no podér sira, no hamoe sira iha ema nia oin. Nia manaan sira iha krús nee.’ (Kolose 2:15)
Buat ne’ebé Satanas ta’uk liu mak igreja ida-ne’ebé iha kbiit atu troka mundu liuhusi Evanjellu, ne’e akontese ona. Nai ulun sira iha mundu nee la kompriende matenek klean nee. Tanba se sira kompriende karik, sira la prega Nai Glória Nain ba krús.’ (1 Korintu 2: 8) Kristu nia inimigu sira mós koko atu hapara lia-loos kona-ba moris-hias hodi labele sai. No bainhira xefi saserdote sira halibur hamutuk ho katuas sira, no sira koalia hamutuk ona, sira foo osan boot ba soldadu sira. No sira dehan, “Imi tenki dehan, ‘Ninia eskolante sira mai iha kalan, no naok mate isin nee bainhira ami toba hela.’ No se karik istória nee mai ba governadór nia tilun, ami sei koalia diak ho nia, hodi imi la presiza hanoin.” Entaun sira foti osan no halo tuir orden nee. No istória nee namkari iha ema Judeu sira nia leet too ohin loron. (Mateus 28: 12-15)
Baibain odi ema ida remata wainhira sira mate. Entaun, tanbasá mak ema balu odi Jesus? Tanba moris-hias mak prova ikus katak Nia mak Nai! ‘Tanba se o foo sai ho o nia ibun katak Jesus mak Nai, no fiar iha o nia fuan laran katak Maromak halo Nia moris hias hosi mate, o sei hetan salvasaun. Tanba ho fuan laran ema fiar no sai loos, no ho ibun ema foo sai no hetan salvasaun.’ (Roma 10: 9-10)
Aihan Espiritual: Lev 11:1-13:37, Lucas 23:50-56, Sal 69:7-21, Deut 21:22-23