‘Lori imi nia maluk nia todan, atu nunee imi kumpri Kristu nia lei.’ Galasia 6:2
Ita pernah koalia ona buat ruma ne’ebe ita hakarak dada fali liafuan ne’e ka lae?
Chuck Swindoll hakerek: Ita halo asaun ne’ebé impulsivu no ita komesa hatene fakta katak ita beik tebes… Liu-liu ita hakanek ema ne’ebé ita hadomi liu. Buat sira-ne’e hotu tama iha ita… no ita hanoin oinsá ema ida bele hadomi ita… liuliu Maromak. Bainhira ita komesa hanoin hanesan nee, ita presiza fila fali ita nia hanoin ‘ba malu’ iha Testamentu Foun. Hadomi ba malu, hametin malu, moris iha dame ba malu, fó sai imi-nia sala ba malu, ko’alia ba malu, fó konsellu ba malu, fó kmaan ba malu, halo orasaun ba malu. ‘Lori imi nia maluk nia todan, atu nunee imi kumpri Kristu nia lei.’ (Galasia 6:2) Hanoin to’ok ema nain rua sa’e foho. Ida…iha…pakote ne’ebe kamaan. Enquantu ida seluk klamar todan. Nia bele sai hanesan odio ida-ne’ebé tahan kleur ona. Relasaun ne’ebé rahun ona ho nia feen ka nia oan sira. Pakote ne’e bele ensi ho bills ne’ebé la selu. Pergunta mak: Iha ne’ebé mak nia bele tun hodi sobu? Hodi tuur iha igreja hamutuk ho ema rihun ba rihun seluk? Susar tebes. Buat ne’ebé nia presiza… fatin ida-ne’ebé ema preokupa hodi fahe buat ne’ebe loos. Iha fatin ne’ebé nia sei sente livre, la moe… atu fó sai ninia segredu ka fó sai ninia luta; iha fatin ne’ebé ema ida sei rona, ajuda nia atu la hetan todan, no fó forsa foun ba nia. Kultu adultus nian…ne’e la’ós servisu igreja miniatura. Sira mak ema barak ne’ebé hadomi Kristu no fiar atu ajuda malu. Sira la hatudu liman-fuan ba malu, la haklaken, la kompara. Sira mak imi-nia maun-alin no irmán sira iha Kristu…Ita envolve iha grupu relasaun? Se lae, tetu molok atu tama ka hahú.
Bainhira ita hahú hasai buat ne’ebe todan, ita sei hatene katak viajen ne’e fasil liu.
Aihan Espiritual: Lev 15-17, Lucas 24:19-24, Salmo 50:16-23, Pro 9:17-18