‘No ema hotu nebee moris no fiar mai Hau sei nunka mate. O fiar ida nee ka’ ?Joao 11:26
Iha ninia belun Lazaro nia rate, Jesus fó-hatene ba ninia alin-feto sira ne’ebé laran-susar, Maria no Marta, buat importante rua:
(1) ‘O nia maun sei moris fali.’ (Joao 11:23)
(2) ‘No ema hotu nebee moris no fiar mai Hau sei nunka mate. O fiar ida nee ka?’ (Joao 11: 26) Entaun, saida mak sei halo o mate depois tama ba lalehan? Karater perfeitu ka? Fo prezente di’ak ka? Ba igreja? Lae. Maski sira hotu simu gava, maibé imi bele hetan moris-hias no moris rohan-laek liuhusi tau imi-nia fiar ba Kristu deit.
Imi haree katak Jesus manán ona mate no rate ba imi. Karik ita lee liafuan sira-ne’e ho tanis tamba agora daudaun ita lakon ita nia kaben, tamba assidente ne’ebe trágiku ka, ka ema ne’ebé ita hadomi hasoru moras ne’ebé halo ita ta’uk. Jesus komprende Ita-nia triste. Nia senti mos ita nia laran susar sira. (haree Ebreu 4:15).
Ka karik imi sente katak mate besik ona ba imi. Se imi la tau fiar ba Kristu, imi tenke tau fiar lalais ba Kristu. Keta hein ba tempu ne’ebé di’ak liu. Halo nune’e ohin, no imi sei hetan salvasaun. Nee katak bainhira imi dada is ikus, imi nia mate muda ba moris, katak moris iha lalehan. Bainhira imi tau fiar ba Kristu, la iha razaun atu tauk buat ne’ebé iha rate laran. Nia iha ona. No nia prepara ona fatin ba imi. Nee prontu ona! Ita-nia ksolok ne’ebé sei la iha rohan sei sai ba nafatin ba nafatin, tanba Ita agradese ba Jesus. imi bele koalia ho Paulo, “Oh mate, o nia vitória iha nebee? Oh mate, o nia tata iha nebee?” (1 Korinto 15:55)
Hanoin to’ok kona-ba ida-nee: tuir kedas mate – gloria! Ita presiza tau fiar liután ba Kristu ka lae? – haree pájina 200
Aihan Espiritual: 1 Kor 12-14, Mateus 2:19-23, Sal 103:1-12, Pro 10:13