‘Komesa iha loron nee, Saul laran moras ona ba David.’ 1 Samuel 18:9
Teste lideransa ida-ne’ebé importante liu mak oinsá ita hatán ba ema seluk nia susesu. O haksolok ka nonok-nonok o odio sira? Seraque ita sente katak sira-nia bénsaun mai husi ita nian osan ruma? Liurai Saul haruka David sai hodi halo funu hasoru Golias. Bainhira David hetan susesu no ema Izrael komesa kanta ba David, Saul la konsege rezolve ida ne’e. ‘Komesa iha loron nee, Saul laran moras ona ba David.’ Lider sira ne’ebé laiha konfiansa ba an mak sai perigu ba sira-nia an rasik, sira-nia dixipulu, no grupu ne’ebé sira lidera. Ida-nee tanba lideransa la subar sira nia fraku; ida ne’e hatudu sira iha oin. Buat negative ne’ebe ita lori sei sai todan bainhira ita koko stu lidera ema seluk. Lider sira ne’ebe laiha seguransa jeralmente iha hahalok komún haat:
(1) Sira la fó seguransa ba ema seluk. Atu sai lider ne’ebé di’ak, ita tenke halo ita-nia dixipulu sira sente seguru kona-ba sira-nia an rasik. Onra sira. Fo prezente ba sira. Promove sira.
(2) Sira simu barak liu fali buat ne’ebé sira fó. Lider sira ne’ebé la iha seguransa kontinua buka validasaun, rekoñesimentu no domin. Tanba nee, sira-nia fokus mak atu hetan seguransa pesoál la’ós atu hanorin ema seluk.
(3) Sira kontinua limita sira-nia ema ne’ebé di’ak liu. Lider seguransa sira la haree sira-nia ema di’ak liu hanesan kolega servisu; sira haree ema seluk hanesan kompetidor potensiál sira ne’ebé bele ameasa sira-nia pozisaun. Lider sira hanesan ne’e baibain buka dalan atu aproveita hetan gava husi servisu ne’ebé ema seluk halo.
(4) Sira kontinua limita sira-nia organizasaun. Bainhira lideransa la fo valor no la rekonhese ema ne’ebe tuir sira, halo ema sira ne’e sai lara-tuun ikusmai para atu hala’o sira-nia poténsia. Bainhira ida-ne’e akontese, organizasaun tomak hetan terus. Ohin, haree didi’ak Ita-nia estilu lideransa no haree se ida-ne’e deskreve Ita ka lae.
Aihan Espiritual: Dan 3-4, Mateus 4:1-7, Sal 7:1-9, Pro 10:16