‘No ida nee mak konfiansa nebee ita iha ho Nia, katak se ita husu buat saida deit nebee tuir Ninia hakarak, Nia sei rona ita.’ 1 Joao 5:14
Nuudar lider ida, Grover Cleveland, ne’ebé sai husi Prezidente Estadus Unidus nia Uma Mutin no depois fila fali ba mandatu daruak hafoin tinan haat, ne’e buat extraordionariu tebes. Dala barak nia rasik hatán simu telefone husi eskritóriu iha Uma Mutin, no mós loke odamatan ba vizitante sira rasik. Iha tempu neeba, povu Amerika iha ‘asesu direita’ ba iha Prezidente.
Hanesan ne’e mós ho imi-nia relasaun ho Maromak. Maibe ida-ne’e di’ak liu. Imi la’ós iha de’it ‘asesu direita’ ida ba lalehan atu konekta ba ukun-na’in lalehan nian, maibé bainhira Maromak mak imi-nia Aman, imi bele telefone Ninia uma bainhira deit. Nia nunka lakon tan de’it orasaun ida!
Jesus dehan: ‘Husu ba, no o sei simu; buka ba, no o sei hetan; dere ba, no odamatan sei nakloke ba o. Tanba ema hotu nebee husu sei simu; no nia nebee buka sei hetan; no ba nia nebee dere, odamatan nee sei nakloke ba nia. Ema ida nebee, se karik ninia oan husu paun, nia foo fali fatuk? Ou se karik oan nee husu ikan ida, aman nee sei foo fali samea ka? Nunee, se karik imi, maski imi aat, maibee imi hatene oinsaa atu foo prezenti diak ba imi nia oan sira, saa tan imi nia Aman iha lalehan sei foo duni buat nebee diak ba sira nebee husu ba Nia!’ (Mateus 7: 7-11)
Ita bele ko’alia ba Maromak sein ita hanesan tane liman, ‘No ida nee mak konfiansa nebee ita iha ho Nia, katak se ita husu buat saida deit nebee tuir Ninia hakarak, Nia sei rona ita. No se ita hatene katak Nia rona ita kona ba buat saida deit nebee ita husu, ita hatene katak ita sei hetan buat nebee ita husu ona ba Nia. (1 Joao 5: 14-15) Entaun, buat naran de’it ne’ebé hadau imi-nia fiar iha orasaun, hasoru ida-ne’e ohin loron.
Aihan Espiritual: Dan 11-12, Mateus 5:1-5, Sal 144:9-15, Pro 10:22-23.