‘Hodi buat hotu bele lao diak ho imi, no imi nia oan sira nebee tuir mai, no hodi imi bele hela kleur liu tan iha rai nebee NAI, imi nia Maromak, foo ba imi too rohan laek.’ Deuteronomio 4:40
Nuudar inan-aman, imi kontinua fó ezemplu valór moris nian ba imi-nia oan sira, entaun halo tuirmai nee:
(1) Husik sira haree Ita halo orasaun. Ajuda sira atu komprende katak orasaun mak dalan ne’ebé ita harii ita-nia relasaun amizade ba nafatin ho Maromak. No sira sei presiza Maromak hodi halo belun bainhira imi laiha ona atu ajuda sira. Maromak dehan: ‘Bainhira sira bolu Hau, Ha’u sei hatán; ha’u sei hamutuk ho sira iha susar laran. Hau sei salva no fó onra ba sira.’ (Salmo 91: 15)
(2) Hatudu ba sira Maromak ne’e mak oinsa. O-nia oan nia konseitu kona-ba Maromak mak forma husi o. seraque imi nakonu hadomi no proteje ka imi dook no domin malirin, sira sei haburas sira-nia komprensaun kona-ba Maromak liu husi sira-nia interasaun ho imi. Ezemplu balu mak katak Maromak nunka okupadu demais atu rona, Nia sempre fó-hatene ita katak nia hadomi ita.. Ita komprende ideia nee?
(3) Ajuda sira atu haree Maromak iha ema seluk. Bainhira labarik sira hetan laran-manas atu haree Maromak serbisu iha sira-nia moris rasik, sira komesa hatene Maromak serbisu iha ema seluk nia moris. Bainhira ida-ne’e akontese, sira sei hafolin no respeitu ema seluk no sei hetan valór no respeitu. Ida-nee sei ajuda sira atu sai seguru no hetan susesu iha sira-nia moris.
(4) Keta haruka sira ba igreja mesak; ba hamutuk ho sira. Labarik sira presiza fiar–no hola parte. Hanorin sira katak, hanesan liman-lolon ida mate ne’ebé la iha ligasaun ho isin ida, ita mate espiritualmente, se ita la iha ligasaun ho igreja lokal. ‘sai na’in’ signifika katak sira sempre iha fatin atu ba. Biblia hatete: ‘Nunee imi tenki halo tuir Ninia estatutu no ukun fuan sira nebee hau manda ba imi ohin loron, hodi buat hotu bele lao diak ho imi, no imi nia oan sira nebee tuir mai, no hodi imi bele hela kleur liu tan iha rai nebee NAI, imi nia Maromak, foo ba imi too rohan laek.’ (Deuteronomio 4:40) Hodi ajuda Ita-nia oan atu hetan dalan ne’ebé loos mak prezente ne’ebé boot liu hotu ne’ebé Ita bele fó ba sira.
Aihan Espiritual: Col 1:9-23, 1 Sam 3