‘Ita bele sobu rahun hanorin hotu no hanoin aas nebee ema harii hasoru Maromak nia matenek. Nunee ita bele kaer hanoin hotu atu halo tuir Kristu.’2 korinto 10: 5
Se na’ok-teen sira mai iha ita-nia uma, ita sei konvida sira tama ka lae? Lae, ita sei bolu polísia no kaer tiha ona sira. No ida-ne’e mak buat ne’ebé ita presiza halo kuandu ita hanoin-sala kona-ba ita-nia an! Kaer sira nu’udar dadur, antes sira halo imi sai dadur. No imi tenke halo ida-ne’e agora molok sira tama iha imi nia hanoin. Kuandu ita husik hanoin aat domina ita, ne’e hanesan ita fó kbiit ba nia, no ida-ne’e sei halakon ita.
Bíblia hatete: ‘Ne’e duni, hakru’uk ba Maromak. Tahan hasoru diabu, no nia sei halai husi imi.’ (Tiago 4:7) Se ita rasik la iha kbiit atu kontra hasoru satanás, keta koko atu halo ida-ne’e! Maibé iha tempu ne’ebé imi bolu Maromak no hakru’uk ba Nia, Nia mak imi-nia aman ne’ebé boot liu fali satanás. Ita bele deside se mak sei kontrola ita-nia neon: ‘Se ita hanoin deit buat isin nian ita mate. Maibee se ita hanoin deit buat Espíritu nian ita hetan moris no dame.’ (Roma 8: 6)
Kuandu hanoin ida sempre dulas iha ita nia neon, husu ba ita-nia an: ha’u hanoin hanesan ne’e kona-ba saida? Hanoin ne’e lori hau ba mate espiritual ka lori hau ba moris dame nian? Hanoin to’ok kona-ba ne’e: ita la presija hein to’o ita soke mak ita foin hadia nia rem. Se ita matenek, di’ak atu hadi’a antes. Duke halo nune’e, di’ak liu husu ba ita-nia an: saida mak ha’u hanoin kona-ba ha’u-nia sala? Ha’u ransu ho ema ne’ebé sala, ka iha hanoin ne’ebé sala? Ha’u lee Maromak nia liafuan no halo orasaun beibeik ka lae? Ha’u harii ona ha’u-nia moris ba ema ne’ebé hametin ha’u ka lae? Ba tempu naruk, monitoriza imi-nia hanoin ho di’ak esforsu ne’e sei la saugati de’it!
Aihan Espiritual: Num 1 – 2, MT 5: 21 – 26, sal 35, pro 10: 28 – 29