‘Nunee Faraó hataan, “Aban.” Exodo 8:10
Susar hotu ne’ebé Maromak haruka ba rai-Ejitu halo funu hasoru sira-nia maromak ida. Porezemplu, ema Ejitu adora maromak-feto ida ho ulun-manduku, entaun Maromak haruka manduku ba sira. Ikusmai Farao bolu Moises no dehan: Ok los oma ha’u rende an. Maibe bainhira Moises husu ba nia: Bainhira mak ó hakarak ha’u atu hasai manduku sira-ne’e? Resposta klasiku ba Farao; nia dehan, ‘Aban.’ Nia bulak ona karik! Tanbasa mak imi hein kleur liu atu hasai manduku?
Maibe ita mós halo hanesan nee, loos ka lae? Ita adiar (menunda) hodi hapara mudansa sira ne’ebé ita hatene sei sai di’ak ba ita. Karik ita kolen liu ou baruk atu halo mudansa. Karik ita ta’uk tanba ita la hatene mudansa ne’e katak sá. Karik ita foti-an no ulun-toos demais.
Enjeñeiru sira husi NASA fó-hatene ami katak kombustivel barak liu ne’ebé uza iha lansamentu roket ne’e sunu tiha ona iha segundus (deit) antes lansamentu. Presiza enerjia no esforsu boot atu muda rocket ida husi lansamentu. Bainhira muda no tama iha orbit, ne’e presiza kombustivel menus no fasil atu kontrola no dirijidu. Nia manán ona inertia no la nonook tan.
Hatene katak Maromak bele rezolve imi-nia problema no troka imi-nia moris. Hadook an husi ó-nia laran-nakali, no husik Nia hahú agora! Ita hatete beibeik: orsida lai… Tuir loloos, Jesus Kristu iha kbiit atu halo buat ne’ebé la hanesan iha imi-nia moris ohin loron. Nia sei fó forsa ba imi atu hahú no forsa atu kontinua la’o ba oin. La tarde demais. Entaun liafuan ba ohin mak: Halo ida-ne’e ohin!
Aihan Espiritual: Isaias 51: 1 – 16, Marcos 5: 1 – 20.