‘No hau nia Maromak sei foo buat hotu nebee imi presiza iha Kristu Jesus tuir Ninia riku-soin iha glória.’ Filipe 4:19
Oinsá mak ita bele hatene se ita depende de’it ba ema duke Maromak? Bainhira ita hirus ho ita-nia Xefe tanba ita la hetan pagamentu ne’ebé aumenta ita-nia hanoin ita merese. Bainhira ó sai hirus ba ó-nia família tanba sira la fó-empresta osan ne’ebé ó husu. Kuandu ita halo buat hanesan ne’e, ita tuur hela iha odamatan ne’ebé sala hodi hein ita-nia bénsaun! Sin, ida ne’e moras maibe imi tenki komprende ida ne’: Maromak sei uza ema atu fó bénsaun ba imi, No Maromak mesak de’it tenki sai bénsaun nia hun ba imi!
‘Hanoin to’ok eskritura sira-ne’e Kuidadu katak imi la dehan iha imi nia fuan laran, ‘Hau nia podér no hau nia liman forti mak hadau riku-soin nee.’ Maibee imi tenki hanoin Nai, imi nia Maromak, tanba Nia mak foo podér ba imi hodi bele hetan riku-soin, hodi nunee Nia bele estabelese Ninia aliansa nebee Nia jura ba imi nia bei-ala sira, nebee sei halao too ohin loron.’ (Deuteronómiu 8:17-18) No ba ema hotu nebee Maromak foo riku-soin no sasaan barak, no foo lisensa atu uza riku-soin nee, no ema nebee bele foti ninia liman rohan, no sai haksolok iha ninia servisu – buat nee mak prezenti hosi Maromak. (Eklesiastes 5:19) Nia la rekonhese katak Hau mak foo trigu, tua uvas no mina ba nia, no halo ninia osan mean no osan mutin aumenta barak, nebee ikus fali nia uza ba Baal. (Oseias 2:8)
Problema mak saida? Simples: ema ignora Maromak no haluha katak Nia mak sira-nia hun ne’ebé loos. Baibain ita buka-hatene no haburas relasaun ne’ebé di’ak, no ne’e mak informasaun ne’ebé importante. Tanbasa? Tanba se ita rekoñese Maromak nu’udar hun ba bénsaun hotu ne’ebé ita simu, ita sei haburas ita-nia relasaun ho Nia.
Tan ne’e mak Jesus hatete: ‘Buka uluknanain Ninia ukun no ninia Justisa, no buat sira-ne’e hotu sei fó ba imi. (Mateus 6: 33) kuandu ita buka Maromak, kari ho laran-luak iha Ninia Reinu, no hein katak Nia sei fó bénsaun ba ita-nia hakaas-an iha Ninia tempu.
Aihan Espiritual: Num 11 – 13, MT 7: 1 – 14, sal 37: 25 – 31, pro 11: 5 – 6.