‘Maromak huu sai Eskritura hotu, no Eskritura nee foo benefísiu hodi hanorin, hatudu sala, koriji no foo treinu iha hahalok loos.’ 2 Timoteo 3: 16
Hanoin oituan kona-ba signifika saida bainhira Bíblia hatete ‘Maromak huu sai Eskritura hotu, no Eskritura nee foo benefísiu hodi hanorin, hatudu sala, koriji no foo treinu iha hahalok loos.’ Ita hatene ka lae, bainhira ita laos dada-iis deit, maibé mós kabén ne’ebé kontein ita-nia DNA (situasaun jenétiku ne’ebé halo ita úniku), ita-nia iis mak iha DNA! Agora, halo tuir matadalan ne’e atu lee Bíblia, no ita sei hatene katak importante tebes ba ita-nia moris espirituál nian.
Joao fó-hatene mai ita katak ‘No Liafuan nee hamutuk ho Maromak. No Liafuan nee mak Maromak.’ (Joao 1:1) tan ne’e, bainhira ita halo tuir Maromak nia liafuan, ita sempre prontu atu fó buat ne’ebé Nia hatete. Tan ne’e mak inimigu sei koko atu halo ita okupadu nafatin to’o ita la iha tempu atu lee ita-nia Bíblia. Tuir loloos, se ita hamlaha ba Maromak nia liafuan, karik ita bele rezolve ka halakon problema barak tan. Job hatete ‘Hau la sees hosi ukun fuan sira nebee mai hosi Ninia ibun tutun; hau kaer liafuan hosi Ninia ibun nudar riku-soin nebee iha folin liu fali hau nia hahaan.’ (Job 23: 12)
Jeremias ne’ebé triste tebes to’o ema koñese nia nu’udar profeta ne’ebe tanis, nia dehan: ‘Hau hetan O nia liafuan no hau haan liafuan nee, no O nia liafuan halo hau kontenti, no hau nia fuan laran haksolok, tanba hau lori O nia naran, Oh Nai, Maromak Forsa Nain.’ (Jeremias 15: 16)
Jesus hasoru tentasaun no terus hotu ne’ebé ema hatene; Nia mós até hasoru malu ho Diabu. Saida mak segredu kona-ba Ninia forsa? Nia hatete: Maibee Nia hataan, ‘Hakerek nanis ona, Ema sei la moris liu hosi paun deit, maibee liu hosi liafuan ida-idak nebee sai hosi Maromak nia ibun.’ (Mateus 4:4)
Aihan Espiritual: Num 22 – 24, MT 9: 1 – 13, sal 44: 17 – 26, pro 11: 12 – 13