‘Hau sei medita ba O nia mandamentu sira, no haree tu-tuir O nia dalan sira.’ Salmo 119:15
Liafuan seluk ba meditasaun mak kontemplasaun. kontemplasaun mak komparasaun hanesan karau ne’ebé nata (mengunyah) hela ninia hahan. Karau han duut, han hahan sira hotu ne’ebe nia bele han depois nia tolan hahan sira ne’e. depois de nia hahan sira ne’e tama hotu ba nia kabun, nia tur oituan i kontinua fila fali hodi han. Han no nata hahan sira ne’e i tolan. Prosesu ne’e kontinua iha kabun haat hotu. Ne’e mak kontemplasaun. Karau ne’e dada ai-han oituan-tuan husi du’ut laran. No meditasaun mak simplesmente digestimu hanoin nian.
Meditasaun la signifika tau ita-nia hanoin neutrál no la hanoin kona-ba buat ida. Maibe, ne’e mak hanoin sériu kona-ba buat ne’ebé ita le’e daudaun. Porezemplu, le’e iha eskritura ida no husu: Ne’e koalia saida kona ba ha’u-nia moris? Imi ko’alia ba imi-nia an kona-ba ne’e no ko’alia ba Maromak.
Biblia hatete, ‘Ikus mai, maun-alin sira, buat hotu nebee tuir lia loos, buat hotu nebee iha onra, buat hotu nebee loos, buat hotu nebee moos, buat hotu nebee furak, buat hotu nebee bele dehan diak, no se iha buat ruma nebee lao diak, no se iha buat ruma nebee bele hahii, hanoin kona ba buat sira nee. Halo tuir buat sira nebee imi aprende, simu, rona no haree iha hau. No Maromak nia dame sei hamutuk ho imi. (Filipe 4: 8-9) Hanoin to’ok katak ita tenke hanoin didi’ak kona-ba buat oioin no, tuir implikasaun, atu labele hanoin kona-ba buat oioin ne’ebé la hanesan.
Koloso 3: 16 KJV dehan: ‘Husik Kristu nia liafuan hela iha imi no sai buras ho matenek klean hotu.’ Ita presiza uza tempu loroloron – pelumenus minutu 10-15 – iha fatin ne’ebé Ita tuur, lee parte ida husi Biblia, no hanoin kle’an kona-ba buat ne’ebé Ita foin lee. Tuirmai ko’alia ba Nai kona-ba ne’e hodi halo orasaun.
Nee mak pontu inísiu ba mudansa espirituál no kresimentu.
Aihan Espiritual: Titus 1-3, Mateus 10:32-42, Salmo 75, Pro 11:23