‘O nia liafuan mak lampu ida ba hau nia ain, no naroman ida ba hau nia dalan.’ Salmo 119: 105
Ema ne’ebé hakerek salmu ko’alia kona-ba buat importante rua ne’ebé ita lee bíblia:
(1) Ida ne’e hatudu ita nia kondisaun espiritual. Iha tempu Bíblia nian, laiha Estrada aspal, entaun kuandu bainaka tama ba uma ida, sira para atu fase rai-henek, fo’er, husi sira-nia ain. Ida ne’e mak ita lee iha Bíblia. Ema ne’ebé hakerek salmu dehan: ‘Oinsaa joven ida bele hamoos ninia hahalok? Liu hosi halo tuir O nia liafuan.’ (Salmo 119: 9)
(2) Ida-ne’e hatudu katak ita presiza halo tuir matadalan ne’ebé ita simu. Kuandu ita halo desizaun ne’ebé importante no ita la hatene dalan ne’ebé loos, Maromak sei sai nu’udar naroman ba ita-nia dalan no matadalan liuhusi Ninia liafuan.
David, ne’ebé hadomi Maromak nia liafuan no medita loron-loron, halo orasaun hodi dehan: ‘Hanorin hau hodi halo tuir O nia hakarak, tanba O mak hau nia Maromak! Husik O nia Espíritu nebee diak bele diriji hau iha rai nebee tetuk! (Salmo 143: 10) sala barak ne’ebé ita halo bele hanetik ita atu la bele halo tuir tan Maromak nia matadalan. Nia hatene saida mak sei akontese iha futuru; ita la hatene. Tan ne’e, ‘Entrega o nia moris ba NAI,
fiar ba Nia, no Nia sei ajuda o.’ (Salmo 37:5) Hanesan ne’e mós ho oan sira, ita presiza hanorin sira atu buka ai-han ne’ebé di’ak saudavel, ita mos presija kuda vontade ida Maromak nia liafuan.
Ema ne’ebé hakerek salmu hatete: Tanba hau kontenti iha O nia ukun fuan sira, nebee hau hadomi hela. (salmo 119: 47) ‘O nia liafuan nee mak moos loos, nunee O nia atan hau hadomi nia.’ (salmo 119: 140) ohin loron, husu Maromak atu fó domin ba Ninia liafuan. Ne’e mak orasaun ne’ebé Nia sei hatán!
Aihan Espiritual: Jonas 1 – 4, MT 11: 1 – 19, sal 88: 1 – 9a, pro 11: 24 – 26.