‘Se ema ida mate, sira sei moris fali ka lae? Job 14: 14
Depois tinan 616, misionáriu Primeiru mai iha Liurai Edwin nia palacio iha Northumbria, rai-Inglaterra. Iha ninia aula boot, sira hato’o Evanjellu ne’e ho Naroman husi lampu barak. Liurai rona, depois ne’e, nia ko’alia ba ninia konsellu-nain sira.
Ninia ema-boot ida hatete: moris mak hanesan fatin festa nian. Iha laran iha Naroman… ahi… laran-manas no festa, maibé iha li’ur mak malirin no nakukun. Manu sira semo tama husi janela ida. Ida-ne’e mak moris ne’ebé hanesan. Kuandu ita moris mai, ita sai husi ema ne’ebé la hatene, no ba tempu badak ita iha ne’e, ita hetan kmaan no haksolok. Maibé depois ne’e, ita semo ba fatin ne’ebé malirin tebes, nakukun tebes…futuru ne’ebe ita lahatene [karik] relijiaun foun ne’e fó Naroman ba ita ka lae?
Ita ne’ebé fiar ba moris-hias bele hatán: Sin! Moras fuan ne’ebe ita iha, kankru, ou asidente rum abele hakotu ita nia vida. Maibe ida ne’e laos ikus ba buat hotu. exeptu ita fiar ba ida ne’e. ‘No se Kristu la moris fali, nunee imi nia fiar nee saugati deit, no imi sei hela iha imi nia sala sira. No mos sira nebee toba mate ona iha Kristu mos lakon ona. Se iha moris nee deit mak ita iha esperansa iha Kristu, entaun ita mak ema nebee iha susar liu ema hotu. Maibee tuir lo-loos Kristu moris fali hosi mate, no Nia mak rezultadu primeiru hosi sira nebee toba mate ona.’ (1 Korinto 15: 17-20)
Tanba ba ema fiar-na’in sira, moris nia rohan iha rai mak inisiu ba moris ne’ebé furak hamutuk ho Kristu iha lalehan!
Aihan Espiritual: 1 Reis 3 – 5, Mateus 13: 1-9, Sal 128, pro 12: 10-11