Triste Ho Trajedia Tiru Iha Eskola Texas, Papa Francisco Hateten Presiza Kontrola Kilat

Paus Fransiskus mengadakan audiensi umum mingguan di Vatikan, 25 Mei 2022. (Foto: REUTERS/Yara Nardi)Papa Francisco realiza audiensia geral semanal iha Vaticano, 25 de Maio de 2022. (Foto: REUTERS/Yara Nardi)

Amu-Papa Francisco iha Kuarta-feira ne’e hateten katak nia sente triste tebes tanba ema tiru mate pelumenus labarik na’in 19 no professor 2,  iha eskola Texas. Nia bolu atu kontrola rigorozu ba kilat.

Sarani sira ne’ebe halibur hamutuk iha kampo São Pedro ba audensia jeral semanál, ema hotu gaba tebes ba assuntu refere ne’ebé halao loron ida hafoin akontese tiru mate estudante iha Estadus Unidus besik dékada ida.

“Hau triste tebes iha ba akontesimentu eskola primária ida iha texas. Ha’u halo orasaun ba labarik no ema-boot sira ne’ebé hetan oho no ba sira-nia família, Amu-Papa Francisco dehan katak tiru malu ne’e mosu iha texas.

“Tempu to’o ona atu ko’alia ‘para’ ba iha Komérsiu arma arbiru. Mai ita hotu halo kompromisu ida-ne’ebé mak trajédia hanesan ne’e sei nunka repete fila-fila nia dehan.

Bainhira Prezidente Joe hato’o proposta ida-ne’ebé vizivel tebes, nia husu amerikanu sira atu kontra lobbi kilat polítiku,  ne’ebé nia hetan akuzasaun katak pasa kilat rigorozu.

Amu-Papa Francisco dala barak kritika maka’as Indústria kilat nian. Iha 2015 nia hateten katak ema ne’ebé halo kilat ka investe iha Indústria kilat mak laran-makerek. [mf]

https://www.voaindonesia.com/a/patah-hati-dengan-insiden-penembakan-di-sekolah-texas-paus-serukan-kontrol-senjata-/6588615.html

Rúsia No Xina Halo Patrullamentu Hamutuk Iha Ázia Pasífiku

Pesawat pembom Tu-95mc Rusia berpartisipasi dalam misi patroli  bersama Rusia-China di kawasan Asia Pasifik, hari Selasa (24/5).  Aviaun Bombadeirus Rusia Tu-95mc partisipa iha misaun patrullamentu hamutuk Rúsia iha rejiaun Ázia Pasífiku Tersa-feira (24/5)

Ministériu Defeza Rúsia nian afirma Tersa-feira (24/5)  katak Forsa Aerea nasaun ne’e nian no sira-nia parseiru sira husi Xina sei hala’o misaun patrullamentu hamutuk iha rejiaun Azia-Pasifiku.

Ministériu ne’e hateten katak aviaun bombadeirus Tu-95mc Rusia nian no aviaun Xian H-6 Xina nian sei patrulla iha territóriu Leste Xina SEA no Japaun nia tasi.

Hatutan tan katak aviaun bombadeirus Rúsia nian iha anin durante oras 13.

Reporta mós katak aviaun sira-ne’e sei ‘eskoltu’ husi Su-30sm ,aviaun Koreia súl F-2 no aviaun Japaun F-15, ne’ebé lori ba pontu balun husi misaun patrullamentu Xina ne’e.”

Ministériu Defeza Rúsia nian konfirma katak patrulla hamutuk ne’e intende iha ámbitu kooperasaun militár Rúsia nian iha 2022. [mf]

https://www.voaindonesia.com/a/rusia-dan-china-patroli-bersama-di-asia-pasifik/6587803.html

𝐊𝐨𝐦𝐮𝐧𝐢𝐤𝐚𝐝𝐮 𝐈𝐦𝐩𝐫𝐞𝐧𝐬𝐚, 𝐒𝐨𝐫𝐮𝐦𝐮𝐭𝐮𝐤 𝐊𝐨𝐧𝐬𝐞𝐥𝐥𝐮 𝐌𝐢𝐧𝐢𝐬𝐭𝐫𝐮𝐬 𝐧𝐢𝐚𝐧, 𝐢𝐡𝐚 𝐥𝐨𝐫𝐨𝐧 𝟐𝟓 𝐟𝐮𝐥𝐚𝐧-𝐦𝐚𝐢𝐮 𝐭𝐢𝐧𝐚𝐧 𝟐𝟎𝟐𝟐

Fidelis Magalhaes, Ministru Prezidensia Konselu Ministrus. (Foto: Andre Gusmão)

Konsellu Ministrus hala’o sorumutuk iha Palásiu Governu, iha Dili, no aprova projetu Proposta Lei ba autorizasaun lejizlativa kona-ba rekuperasaun empreza sira no insolvénsia, ne’ebé aprezenta husi Ministru Koordenadór Assuntus Ekonómikus, Joaquim Amaral. Objetivu husi pedidu autorizasaun lejizlativa nian ne’e ba Parlamentu Nasionál maka atu elabora lei moderna ida kona-ba Rekuperasaun no Insolvénsia, hanesan elementu esensiál ba kreximentu tesidu ekonómiku no investimentu país nian. Nesesidade ida-ne’e mai husi intensaun Governu Konstitusionál VIII atu transforma baze ekonomia timoroan nian hodi hasa’e reziliénsia no potensiál kreximentu, apoia no rezolve situasaun empreza sira nian ne’ebé iha situasaun finanseira difisil, maibé sei iha kondisaun ekonómika atu la’o. Aleinde ne’e, atu fó resposta ba ezijénsia sira kona-ba integrasaun ba ÁZEAN no OMK, ho kuadru lejizlativu ida ne’ebé reponde ba nesesidade sira país nian no ba kompromisu ne’ebé asume iha ámbitu internasionál.

Konsellu Ministrus aprova projetu Dekretu-Lei ne’ebé halo alterasaun dahuluk ba Dekretu-Lei n.45/2015, loron 30 fulan-dezembru, ne’ebé kria Ajénsia Promosaun Investimentu no Esportasaun Timor-Leste, I.P., ne’ebé aprezenta mós husi Ministru Koordenadór Assuntus Ekonómikus, Joaquim Amaral. Diploma ida-ne’e ho objetivu atu ajusta rejime jurídiku TradeInvest, reforsa ninia kompeténsia sira hanesan entidade governamentál responsavel ba promosaun, fasilitasaun no akompañamentu ba investimentu privadu no esportasaun sira iha Timor-Leste. Aleinde ne’e, ho alterasaun ida ne’e iha objetivu atu garante uniformidade no konsisténsia husi ordenamentu jurídiku nasionál, maka hanesan ajusta rejime jurídiku husi ajénsia governamentál ida-ne’e ba Dekretu-Lei n.17/2015, loron 23 fulan-agostu, Lei Investimentu Privadu, ba Dekretu-Lei n.16/2021, loron 15 fulan-setembru, kona-ba Baze Jerál sira Organizasaun Administrasaun Públika nian no ba Dekretu-Lei n. 30/2020, loron 29 fulan-jullu, kona-ba Organizasaun Direta no Indireta Estadu nian.

Konsellu Ministrus aprova mós projetu Dekretu-Lei tolu, ne’ebé aprezenta husi Vise-Primeira-Ministra no Ministra Solidariedade Sosiál no Inkluzaun, Armanda Berta dos Santos.

Dahuluk maka projetu Dekretu-Lei ne’ebé aprova valór mínimu ba pensaun invalidés no ferik-katuas.

Objetivu husi proposta ne’e atu garante valór mínimu pensaun invalidés no ferik-katuas, iha ámbitu rejime kontributivu seguransa sosiál nian, bazeia ba karreira kontributiva traballadór sira nian. Nune’e, objetivu maka atu garante katak pensaun sira ne’e, husi rejime kontributivu, nunka sei iha valór ida-ne’ebé ki’ik duké pensaun sosiál sira, hodi nune’e bele valoriza esforsu kontributivu traballadór sira nian.

Daruak maka projetu Dekretu-Lei ne’ebé aprova Pensaun Sosiál.

Prestasaun sosiál foun, ne’ebé kria husi diploma ida-ne’e, ho karater pensaun sosiál ida no la’ós subsídiu, objetivu maka atu asegura rendimentu ida mínimu ne’ebé dignu ba ema hotu ne’ebé presiza liu, tanba laiha rendimentu seluk no iha situasaun ferik-katuas ka invalidés. Pensaun sosiál ida-ne’e sei substitui Subsídiu Apoiu ba Ferik-Katuas no Inválidu sira (SAII), hodi halo sistema seguransa sosiál sai justu liután.

Ho alterasaun lejizlativa ida-ne’e pretende alterasaun sira tuirmai ne’e:
• Muda konseitu, husi subsídiu ba pensaun sosiál;

• Altera ámbitu pesoál hodi inklui traballadór sira ne’ebé inklui iha sistema kontributivu, maske laiha direitu ba pensaun;

• Ajusta valór prestasaun nian, hodi garante katak valór pensaun nian la ki’ik liu duké limite liña pobreza internasionál nian;

• La permite akumulasaun ho rendimentu seluk ba benefisiáriu foun;

• Altera periodu ba pagamentu sira, husi pagamentu semestrál ba pagamentu mensál;

Datoluk maka projetu Dekretu-Lei ne’ebé kria Sistema Verifikasaun ba Inkapasidade sira.

Objetivu husi projetu ne’e maka atu kria sistema ida hodi halo verifikasaun ba situasaun inkapasidade ba efeitu atribuisaun prestasaun sosiál nian. Ho diploma ida-ne’e, define prosedimentu administrativu ba verifikasaun téknika iha situasaun inkapasidade.

Servisu Verifikasaun Inkapasidade hanesan instrumentu tékniku espesializadu ida, kompostu husi meius téknikus no materiais, ne’ebé sei funsiona iha servisu integradu iha Institutu Nasionál no Seguransa Sosiál (INSS): servisu perísia médika no servisu apoiu administrativu.

Konsellu Ministrus aprova mós projetu Dekretu-Lei, ne’ebé aprezenta husi Primeiru-Ministru no Ministru Interiór, Taur Matan Ruak, atu halo alterasaun ba Orgánika Polísia Nasionál Timor-Leste nian. Reestruturasaun husi orgánika PNTL ne’e ho objetivu atu adekua ninia kapasidade resposta ba dezafiu nasionál no internasionál atuál, hadi’a kondisaun funsionál no operasionál, iha aliñamentu ho Planu Estratéjiku Dezenvolvimentu tinan 2011-2030, Konseitu Estratéjiku Defeza no Seguransa Nasionál no Programa Governu Konstitusionál VIII nian.

Ho revizaun ba Lei Orgánika PNTL ida-ne’e, adota modelu organizasionál ida, tuir ierarkia, integradu ba nivel komandu tolu: nivel superiór ida, ho kargu Komandante-Jerál no hetan apoiu husi 2.º Komandante-Jerál; nivel intermédiu ida ne’ebé hanesan Komandu Operasionál, Komandu Administrasaun no Komandu Pesoál; no nivel datoluk, konstitui husi komandu munisipál sira, inklui komandu munisipál Ataúru ne’ebé foin kria, no komandu rejionál Oé-Kusse Ambeno.

Prevee mós funsionamentu pozisaun ierárkika ne’ebé hanesan husi komandu rejionál no komandu munisipál sira, Institutu Superiór Siénsias Polisiais no unidade espesiál polísia, ne’ebé sei simu kompeténsia iha área espesialidade polisiál ba nivel nasionál.

Ikusliu Konsellu Ministrus asiste aprezentasaun ida kona-ba peskiza Public Perceptions Survey 2022 TATOLI, ne’ebé aprezenta husi Asia Foundation. Peskiza ida-ne’e realiza ona iha fulan-janeiru no fevereiru tinan 2022, ho apoiu husi Governu Austrália. Entrevista ona sidadaun adultu 2489 iha munisípiu sira hotu iha Timor-Leste.

Rezultadu ne’e inklui informasaun sira kona-ba empregu, tipu no valór rendimentu, osan ne’ebé emigrante haruka husi rai-li’ur, ajuda ne’ebé hetan iha ámbitu ba rekuperasaun ekonómika, bein-estar ekonómiku no situasaun ekonómika.

Aleinde ne’e, inkéritu aborda kestaun sira hanesan diresaun ne’ebé país tenke la’o tuir, problema prinsipál sira ne’ebé país no komunidade sira hasoru no difikuldade ne’ebé feto sira hasoru.

Estudu ne’e buka atu hatene sidadaun sira-nia opiniaun kona-ba asaun Governu nian, maka hanesan ida ne’ebé maka prioridade prinsipál no razaun saida maka impede Governu atu halo nia serbisu sai di’ak liután.

Inkéritu ne’e mós aborda kona-ba prestasaun servisu públiku, feto sira-nia direitu, infraestrutura, persesaun korrupsaun, persesaun polítika, feto sira-nia papél iha polítika no renovasaun lideransa sira.

Ikusliu, estudu aborda kestaun sira kona-ba mídia, hanesan fonte informasaun saida de’it ne’ebé ema uza, uzu mídia dijitál, independénsia mídia no uzu mídia sosiál sira.

𝐑𝐄𝐌𝐀𝐓𝐀

Sekretariu Estadu Formasaun Profesional: Jovem Timor Oan Hotu Tenke Tuir Formasaun Médiu Skil Hodi Priense Demanda Vaga Estranjeirus.

Sekretariu Estadu Formasaun Profisional no Empregu Alarico do Rozario (Foto: André Gusmão)

Dili— Sekretariu Estadu Formasaun Profisional no Empregu Alarico do Rozario iha okaziaun workshop Timor Leste Labour  Partnership Mobility iha salaun Maubara room Timor Plaza Tersa semana ne’e ba jornalista sira hateten, Embaixada Australia hamutuk ho sekretariadu Estadu formasaun profisional no empregu “Sefope” estabelese kooperasaun ba programa mútua formasaun skil médiu ho naran Pasific Australian Level Mobility “PALM”. Programa ne atu prepara trabalhadores Timor Oan sira ba futuru hodi priense demanda vaga husi Australia no demanda vaga husi nasaun sira seluk nebe hakarak uza rekursu trabalhadores Timor Oan.

Programa formasaun  médiu skil ne koloka materia prinsipal tolu maka hospitalidade, agrikultor no konstrusaun. Sekretariu Estadu rekuinese materia formasaun ne laos fasil, tanba ne sefope presiza servisu hamutuk ho sentru formasaun akreditadu kualitativu sira iha Timor Leste, no  halo kooperasaun ho ajensia  internasionais sira atu fasilita Timor oan sira bele hetan opurtunidade ba tuir formasaun kualifikafu iha nasaun estranjeirus hodi fila fali mai sai formador ba trabalhadores Timor oan sira iha Nasaun laran.

Sekretariu Estadu isplika, durante ne númeru kumulativu pedidu demanda vaga husi nasaun estranjeirus sira atinji ona volume rihun lima, maibe fazeadamente Sefope haruka tuir volume pedidu demanda vaga rai liur kada tempu. Tuir planu Sefope sei halo esforsu atu iha tinan 2022 nia laran bele haruka númeru trablhadores to’o 2.000. Tanba ne’e, Sefope apela ba joventude tomak feto no mane atu tuir formasaun kapasita an hetan skil médiu hodi hatan ba nesesidade merkadu vaga hodi bele muda kualidade moris ba diak liu. Tanba wainhira jovens sira latuir foramsaun signifika laiha skil médiu hodi priense demanda merkadu vaga.

Hatan ba pergunta jornalista sira kona estabelesementu sekretariadu Estadu próprio ba sidadaun Timor oan sira nebe hela no halao servisu iha rai estranjeirus, sekretariu Estadu hateten, nudar desizaun pulítika altu nivel Guvernu nian, enkuantu Sefope nudar deit fasilitador ba joven Timor oan sira atu hetan servisu. [ag]

 

Primeiru Ministru: Ema Maka Alvu Sentru Dezenvolvimentu Tomak.

Ministru Asuntus Parlamentar no Komunikasaun Sosial Interinu Meriçio Akara (Foto: André Gusmão)

Dili— Ministru Asuntus Parlamentar no Komunikasaun Sosial Interinu Meriçio Akara Segunda semana ne’e hasoru malu ho Primeiru Ministru Jeneral Taur Matan Ruak hodi simu orientasaun relasiona ho kargo nudar Mapkoms interinu.

Hafoin nia enkontru ho xefi Guvernu iha rezidensia Primeiru Farol Ministru Mapkoms interinu esplika ba jornalista hateten, nia simu orientasaun husi Primeiru Minsitru Jeneral Taur Matan Ruak atu aplika diak knar nudar ministru asuntus parlamentar no komunikasaun sosial interinu hodi mantein kooperasaun diak liu entre orgaun soberania rua Guvernu ho Parlamentu Nasional,  atu programa no lei sira nebe Guvernu apezenta bele hetan atensaun no apoiu husi Parlamentu Nasional. Primeiru Ministru fo apresiasaun bot no kongratulasaun parabems ba mídia komunikasaun sosial Nasional tomak nebe aplika ona knar ho diak iha serimonia tomada de posse prezidente Repúblika no festa nasaun  tinan 20 restaurasaun independensia 19 no 20 de maiu 2022.

Primeiru Ministru mos apresia no kongratula instituisaun mídia komunikasaun sosial Nasional tomak nebe hetan rekuinesementu ofisial index survey internasional ho títulu  liberdade imprenza diak iha nivel 17 husi nasaun 180 mundial tinan 2022, no index númeru primeiru diak liu husi survey index liberdade impenza rejiaun Azean tinan 2022.Aspetu hirak nebe sai materia ba difinisaun survey index mundial kompostu aspeitu siguransa ba liberdade imprenza, aspetu lejislasaun.

Survey index liberdade imprenza internasional no survey index liberdade imprenza Azean difini Timor Leste priense kriteria internasional iha aspeitu siguransa, iha lejislasaun, no livre husi impedimentu ba mídia iha aspeitu  ekonómia, sosial pulítika, alende livre husi intevensaun ba independensia polítika. Primeiru Ministru  hateten, Timor Leste tenke orgullu nudar kik maibe index  liberdade imprenza diak liu iha nivel 17 husi nasaun 180 internasional, no index nivel diak liu númeru primeiru iha rejiaun Azean,  Primeiru Ministru husi instituisaun mídia komunikasaun Nasional tomak atu mantein hadiak diak liu tan kualidade jornalista hodi hasa’e diak liu tan reputasaun index libderdade imprenza nasaun iha futuru.

Primeiru Ministru orienta Mpakoms interinu atu transmiti nafatin programas prioridade pulítika Guvernu ba povu katak, alvu husi sentru dezenvolvimentu tomak maka ema, prioridade primeiru maka ema, prioridade segundu maka ema, no preioridade terseiru maka ema, katak, alvu husi prioridade hotu nia alvu maka ema.Katak, ema tenke matenek,  ema tenke moris diak, ema nia saude tenke saudavel, ema tenke moris próspero, ema tenke domina siensia no tecnolojia. [ag]

 

 

CASA CIVIL KOMUNIKADU IMPRENSA

Prezidente-da-Repúblika Francisco Guterres Lú Olo

PREZIDENTE-da-REPÚBLIKA PROMULGA ORSAMENTU JERÁL ESTADU RETIFIKATIVU 2022

Palásiu Prezidensiál Nicolau Lobato, 18 maiu 2022

Prezidente-da-Repúblika Francisco Guterres Lú Olo, ohin, promulga Dekretu Parlamentu Nasionál Lei númeru 62/V-alterasaun dahuluk ba Lei númeru 1/2022, 3 janeiru kona-ba Orsamentu Jerál Estadu ba 2022 no kriasaun Fundu Kombatentens Libertasaun Nasionál.

Orsamentu Jerál Estadu ba tinan-2022 aprovadu ho Lei númeru/2022, 3 janeiru. Maibé haree ba situasaun ekonómika internasionál no aumentu substansiál tasa inflasaun nian, sai nesesáriu ba estadu foti medidas hamenus impaktu ekonómiku hodi antisipa liuhusi dotasaun orsamental atu finansia sasukat sira.

Reseitas konsolidadas husi Setór Públiku Administrativu hahú sae ba US $ 3,100, 688,695. Despeza orgaun servisus no Administrasaun Sentral sae ba US $3,100,688,695.

Orsamentu Jerál Estadu Rektifikativu ba tinan-2022 fahe tuir klasifikasaun ekonómika hanesan tuirmai ne’e: US $250.537.130 ba Saláriu no Vensimentu, US $467.077.382 ba Bens e Servisu, US $1.950.982.687 ba Transferénsia Públika, US $41.914.097 ba Kapitál Menor no US $390.177.399 ba Kapitál Dezenvolvimentu.

Bazeia Lei ne’e, durante tinan-2022, Governu autorizadu bele foti transferénsia husi Fundu Petrolíferu to’o montante US $ 2.552.598.015.

Lei ne’e harii Fundu ba Kombatentes Libertasaun Nasionál ho finalidade financia programa apoiu ba Kombatentes Libertasaun Nasionál iha área sosial, edukasaun, saúde, empregu, asesu ba kréditu no atividade ne’ebé manán rendimentu.

Lei Orsamentu Jerál Estadu Retifikativu ba tinan-2022 aprova iha Parlamentu Nasionál iha 11 maiu 2022.

MÍDIA PR.

Diskursu Sua Eselénsia Primeiru-Ministru Taur Matan Ruak

Diskursu Sua Eselénsia Primeiru-Ministru Taur Matan Ruak

Serimónia lansamentu Fatuk Dahuluk nian ba Konstrusaun Timor Marina Square

Lecidere, loron 17 fulan-maiu tinan 2022

Exelentísimu Senhor Ministru Koordenadór Asuntus Ekonómikus (MKAE), Sr. Joaquim Amaral

Exelentísimu Membru sira Governu Konstitusionál VIII

Exelentísimas Senhoras no Exelentísimos Senhores husi Korpu Diplomátiku no Ajénsia Internasionál sira ne’ebé akreditada iha Timor-Leste

Exelentísimu Senhor Diretór Ezekutivu TradeInvest Timor-Leste I.P., Sr. Arcanjo da Silva

Exelentísimu Senhor CEO husi Empreza “A-Smart Holdings Ltd”, Sr. Liam Huan Chiang

Exelentísimu Senhor Reprezentante no Funsionáriu sira Empreza Timor Marina Square S.A nian

Senhoras no Senhores,

Distintus Konvidadus

Governu Konstitusionál VIII define ona hanesan prioridade hodi diversifika ekonomia, liuliu hodi promove inisiativa sira ne’ebé enkoraja no estimula kreximentu setór produtivu nian sira ne’ebé konsidera hanesan estratéjiku sira ba dezenvolvimentu nasionál nian, hanesan Turizmu, Agrikultura no Indústria sira ne’ebé transforma rekursu naturál no petrolíferu sira.

Konsagra mós nu’udar objetivu nasionál ne’ebé boot, hodi hamenus dependénsia ne’ebé demaziadu liu ba reseita sira Fundu Petróleu nian, nomos atu hamenus neineik pezu setór públiku nian iha ekonomia, liuhusi reforsu investimentu no inisiativa privada nian.

Tanba ne’e, ho ksolok no satisfasaun boot, ohin loron ha’u partisipa iha Serimónia Lansamentu Fatuk Dahuluk nian ba Konstrusaun Timor Marina Square, ne’ebé konkretiza prioridade sira nasaun nian iha prátika no iha posibilidade hodi kumpre objetivu nasionál sira ida ne’ebé boot, ho projetu privadu ida, ne’ebé finansia husi fundu internasionál sira ne’ebé posibilita aparesimentu operadór ekonómiku foun ida iha setór Turizmu nian.

Serimónia ida ne’ebé marka inísiu husi prosesu ida ba reabilitasaun urbana ne’ebé sei hala’o iha área importante ida-ne’e iha Largo Lecidere, ho infraestrutura foun ida ne’ebé moderna, efisiente, sustentavel iha nivel ekonómiku no ambientál, ne’ebé sei disponibiliza la’ós ba de’it servisu foun sira ba ita-nia sidadaun, turista, investidór no emprezáriu sira ne’ebé vizita ita, liuhusi otél, restaurante, estabelesimentu komersiál no apartamentu sira, maibé mós oferta oteleira sira nasaun nian ne’ebé di’ak no kualidade servisu nian sira ne’ebé fó ba ita-nia utente sira.

Projetu ida ne’ebé marka ritmu kreximentu no progresu nian ne’ebé ita dezeja ba nasaun, ho inovasaun barak liu, kriatividade barak liu, empreendedorizmu privadu barak liu, hodi estimula aparesimentu jerasaun trabalhadór foun ida ne’ebé kualifikadu no operadór ekonómiku sira.

Investimentu ida ne’ebé kontribui duni ba objetivu boot sira Governu nian no ne’ebé mak ezije husi ita-nia sidadaun sira, liu-liu joven sira, ne’ebé buka oportunidade foun sira kona-ba formasaun no empregu nian, ne’ebé bele hasae ninia abilitasaun no kompeténsia sira, nomos fonte sira rendimentu nian, moris-di’ak no kualidade moris nian.

Senhoras no Senhores

Distintus Konvidadus

Kompleksu Timor Marina Square reprezenta kreximentu no modernu ne’ebé ita hakarak tebes ba ita-nia nasaun!

Investimentu ida ne’ebé ho dolar Amerikanu Millaun 50, eskluzivamente privadu, investe ona iha ita-nia rain, ne’ebé hatudu kompromisu no konfiansa husi investidór externu sira, ba ita-nia futuru ne’ebé koletivu.

Timor-Leste nasaun ida ne’ebé akolhedór, seguru no pasífiku ho oferta sira diferente no potensialidade sira iha setór turizmu, agrikultura, peska, indústria, komérsiu no servisu nian sira, ne’ebé sei fó benefísiu ba komunidade ho prezensa hosi polu foun ida-ne’e ba dezenvolvimentu urbanu.

Ho inisiativa ida-ne’e sei kria 170 empregu imediatu diretu, ne’ebé sei realiza obra sira konstrusaun nian. Tuirmai, durante faze operasionál sei kria empregu 250 ne’ebé liga diretamente ba projetu.

Ita fiar katak ho prezensa infraestrutura ida-ne’e iha Lecidere, Dili, sei loke oportunidade foun empregu no negósiu nian sira, hodi hamosu vaga sira atus ba atus iha servisu sira apoiu nian, iha transporte, iha komérsiu, iha lojístika no iha servisu tékniku-finanseiru sira.

Oportunidade foun sira ba formasaun no kapasitasaun institusionál, ne’ebé hodi uza prátika sira ne’ebé di’ak liu ba atendimentu no servisu internasionál sira, sei hasa’e padraun no nivel kualidade nian iha oferta indústria oteleira Timor-Leste nian.

Tanba ne’e, ha’u hakarak agradese ba Reprezentante husi Empreza Timor Marina Square S.A., no ba CEO hosi Empreza “A-Smart Holdings Ltd”, Exelentísimu Sr. Liam Huan Chiang, ba investimentu ne’ebé realiza iha Timor-Leste no iha Timoroan sira, hodi renova ita-nia disponibilidade atu kontinua servisu hamutuk hodi konkretiza projetu ida-ne’e no projetu investimentu nian sira seluk.

Agradese mós ba koordenasaun investimentu nian ne’ebé realiza hosi Sua Exelénsia Ministru Koordenadór Asuntus Ekonómikus (MKAE), nomos servisu sira ne’ebé hala’o husi funsionáriu, tékniku no espesialista sira, ho supervizaun hosi Ajénsia TradeInvest Timor-Leste I.P.

Ikusliu, hakarak transmite ha’u-nia apresu ba hotu-hotu ne’ebé kontribui ona ba konkretizasaun hosi investimentu ida-ne’e, ne’ebé onra tebes no hana’i ita.

Parabéns ba ita hotu ba lansamentu fatuk dahuluk husi kompleksu ne’ebé sei sai Hotel, komérsiu no Apartamentu sira Timor Marina Square nian.

Maromak haraik bénsaun ba ita.

Obrigadu barak!

DISKURSU HOSI SUA EXELÉNSIA PREZIDENTE REPÚBLIKA DR. FRANCISCO GUTERRES LÚ OLO

DISKURSU HOSI SUA EXELÉNSIA PREZIDENTE
REPÚBLIKA

DR. FRANCISCO GUTERRES LÚ OLO

IHA

SERIMÓNIA KONDEKORASAUN VETERANUS

LUTA LIBERTASAUN NASIONAL

Dili, 17 MAIU 2022

2

Señor Prezidente Parlamentu Nasional
Señor Primeiru-Ministru, Jeneral Taur Matan Ruak
Señor Prezidente Tribunal Rekursu
Señores Eis-Titulares
Señores Deputadus no Membrus VIII Governu
Maluk Kombatentes Libertasaun Nasional, hosi Frente Armada,
Frente Klandestina no Frente Diplomátika/Esterna
Famílias mártires no kombatentes sira-nian, iha Timor-Leste tomak
Reprezentante-sira hosi organizasaun sosiedade sivíl no konfisaun
relijioza
Señor Dekanu Korpu Diplomátiku
Señoras no señores,

Ho onra no orgullu boot mak ha’u kondekora ba dala ikus liu, ho
naran Estadu Timor-Leste, veteranus luta libertasaun nasional, ne’ebé
reziste entre tinan sanulu resin lima no tinan sanulu resin sia, liuhusi
dalan oioin no ho ida-idak nia kbiit rasik, hodi tanen ita nia mehi boot
atu afirma-an iha mundu, nu’udar Nasaun no Povu ida ho identidade
rasik.

3
Hamutuk hotu sobreviventes neen nulu resin neen no saudozu
sanulu resin hitu mak simu rekoñesimentu no valorizasaun nu’udar
eróis no eroínas nasionais, iha loron ohin, 16 maiu 2022, iha
Palásiu ida ne’ebé fó honra permanente ba ita-nia líder polítiku,
mártir no erói nasionál, Prezidente Nicolau dos Reis Lobato.
Ho kondekorasaun ida-ne’e, kombatentes libertasaun nasional Luta
Armada – Frente Interna, rejistadu no validadu, ne’ebé tuir lei,
klasifika nu’udar veteranus, simu hotu ona rekoñesimentu no
valorizasaun husi Estadu Timor-Leste.
Di’ak tebes bainhira Estadu organiza atu solene ida hodi rekoñese no
valoriza kombatente libertasaun nasional liuhusi kondekorasaun
OTL, grau Colar! Maibé Estadu fó mós protesaun ba sira-nia
dependente sira, oan kiak no faluk sira.
Rekoñesimentu no valorizasaun ba luta-nain sira konsagra iha ita-nia
Lei Inan no, nune’e, Estadu hatene ninia obrigasaun husi kedas loron
ita restaura ita-nia indepedénsia nasionál, iha 20 maiu 2002.
Artigu 11 Konstituisaun RDTL hatete katak “Estadu asegura
protesaun espesiál ba mutilados de guerra, órfauns no dependente
sira husi luta-nain sira ne’ebé fó sira-nia vida ba luta independénsia
no soberania nasional no proteje hothotu ne'ebé partisipa iha
rezisténsia”.

4
To’o ohin loron Estadu nia apoiu ba Kombatentes Libertasaun
Nasionál konkretiza liuhusi:
1) subvensaun públika ne’ebé fulan-fulan fahe ba kombatentes
libertasaun nasional sobreviventes no famílias mártires sira-
nian tuir validasaun ba ida-idak ninia partisipasaun iha luta
libertasaun nasional;
2) Harii Jardin Eróis Pátria – fatin ida ne’ebé sai sentru
permanente omenájen ba sira no ne’ebé tama ona iha roteiru
turístiku-istóriku no edukativu ba vizitante sira no jerasaun
hothotu ohinloron no ba abanbairua.
3) Estadu Timor-Leste fornese kaixaun no hakoi ita-nia eróis ho
onras Estadu, iha Jardim dos Heróis da Pátria ka iha rate
seluk tuir desizaun família nian;
4) Harii ekipa médika espesiál ida hodi tau matan ba saúde
kombatentes libertasaun nasional no família sobreviventes
no mártires sira-nian;
5) Fasilita asesu ba kréditu;
6) Fó ona subsídiu iha tinan 2020 no 2021 ba veteranus 20-24
anus hamutuk 116 hodi harii ka hadi’ak sira-nia uma;
7) Fó bolsas Estudu ba Kombatentes no mártires nia oan sira
liuhusi Ministériu ba Asuntus Konbatentes Libertasaun
Nasionál, husi ensinu báziku to’o universitáriu.

5
Maluk kombatentes libertasaun nasional no família mártires
sira-nian
Apoiu sira ne’ebé Estadu fó ba luta-nain sira to’o agora kobre ho
osan ne’ebé tama iha Orsamentu Jeral Estadu tinan-tinan. Osan ne’e
mai de’it husi ita-nia Fundu Minarai ne’ebé ita investe iha rai-liur ho
intensaun atu hetan funan boot. Maibé lakon ka manan funan
depende ba merkadu finanseiru. Tinan ida ne’e, purezemplu, entre
fulan fevereiru no abril, ita-nia Fundu Minarai lakon liu millaun atus
sia.
Tuir komunikadu imprensa husi ita-nia Banku Sentral, ho data 4 maiu
2022, ita nia Fundu Minarai sei iha biliaun sanulu resin hitu resin.
Osan ne’e sei mohu se ita hasai de’it ba despeza tinan-tinan. Estadu
Timor-Leste halo ona investimentu balun ho retornu maibé presiza
foti inisiativa foun seluk atu hamenus dependénsia husi Fundu
Minarai.
Iha ha’u-nia diskursu sira uluk, ha’u halo apelu ba Governu no mós
ba CCLN atu harii rasik Fundu Veteranus atu bele sustenta apoiu ba
ita-nia luta-nain sira no sira-nia família.Ikus mai, ho haksolok mak
ha’u simu informasaun katak liuhusi inisiativa Sekretaria Estadu ba
Asuntus Kombatentes Libertasaun Nasional, kombatente ida-idak
deskonta dadaun ona USD 30,00 fulan-fulan no konsege halibur ona

6
montante boot ida iha sira-nia konta komún iha banku ida. Konsellu
Kombatentes Libertasaun Nasional- CCLN mak jere konta bankária
ida-ne’e tuir osan-nain nia interese rasik. Ne’e konta privada ida no
Estadu la interfere iha jestaun ba konta ida ne’e.
Haree ba situasaun inserteza boot liután iha mundu tanba funu iha
Rai Ukrania no ita-nia minarai mós sei maran loron ruma, Estadu
Timor-Leste tenke buka dalan di’ak liu atu oinsá investe ho di’ak
osan ne’ébé hasai husi Fundu Minarai atu bele kontinua tau matan
nafatin ba ita-nia kombatentes libertasaun nasional.
Prezidente Repúblika simu ona Dekretu ida husi Parlamentu
Nasional ne’ebé aprova pedidu husi Governu atu halo alterasaun ba
Lei Orsamentu Jeral Estadu 2022 ne’ebé prevé biliaun ida atu harii
Fundu Veteranus. Prezidente Repúblika seidauk deside promulga ka
veta diploma ne’e. Karik promulga, Governu mak sei haree, liuhusi
Dekretu-Lei ida, sá modelu investimentu mak sei uza atu fó
rendimentu boot no lalais liu ba Fundu Veteranus. Tuir ezekutivu nia
hanoin, ho osan-funan husi Fundu ne’e mak Governu sei uza ba
programas apoiu ba Kombatentes Libertasaun Nasional iha área
sosiál, edukasaun, saúde, empregu, asesu ba kréditu no mós atividade
ne’ebé bele fó rendimentu.

7
Tuir mós Govenru nia hanoin, Fundu ida ne’e sei iha autonomia
administrativa, finanseira no patrimoniál. Sei la benefisia de’it sira
ne’ebé klasifika nu’udar Veteranus, ho partisipasaun luta tinan 15
to’o tinan 24 maibé hothotu ne’ebé validadu nu’udar Kombatente
Libertasaun Nasionál. Nune’e, osan biliaun ida ne’ebé VIII
Governu husu atu hasai husi Fundu Minarai, la´ós atu halo despeza,
la’ós atu gasta, la´ós atu selu pensaun ka saída de’it, maibé atu
investe iha Fundu ida hodi hetan funan babeibeik. Nune’e, Fundu
ida ne’e, ho jestaun di’ak no ho kontribuisaun hothotu nian, sei
haburas no haklean sentidu solidariedade entre luta nain-sira no
hamenus sira-nia dependénsia husi Fundu Minarai liuhusi
Orsamentu Jeral Estadu.
Tuir proposta Governu nian, Fundu ne’e sei jere husi Konsellu
Administrasaun prezide husi Primeiru-Ministru no sei envolve mós
membrus Governu ba asuntus kombatentes libertasaun nasional no
finansas.
Maluk kombatentes libertasaun nasional namokari iha Timor-
Leste tomak no iha rai-liur.
Husi soren ida, Estadu kumpre dadaun ninia dever atu rekoñese no
valoriza kompatriotas kombatentes Luta Libertasaun Nasional tuir

8
ita-nia Lei Inan haruka. Husi soren seluk, nu’ udar sidadã no
sidadaun Timor-Leste, kombatente ida-idak, iha dever atu sai modelu
di’ak
ba família uma laran no mós ba jerasaun foin-sa’e sira. Bainhira
veteranu ida deside tuir kursu formasaun ruma iha eskola tékniku-
profisionál ka Universidade, nia hatudu kedas ninia vontade atu
hakbiit-an. Husi hahalok ne’e, nia sai modelu di’ak ba oan sira no ba
sosiedade tomak. Bainhira hakbiit-an rasik hodi hetan abilidade foun
ida, bele intervein diakliu iha prosesu dezenvolvimentu ita-nia rain
no kontribui diakliu ba hamenus kiak no hametin liutan ita-nia
independénsia no soberania.
Hafoin ita restaura independénsia nasionál, kompatriota barak tebes
mak hatudu barani, determinasaun, patriotismu no dedikasaun ba
komunidade no Nasaun Timor-Leste. Ho sira nia hahalok rasik,
nu’udar grupu ka indivíduu, sira hatán dadaun ba ita-nia mehi no
objetivu komún iha ita nia segunda faze luta libertasaun nasionál:
halakon kiak no hatuur justisa sosiál. Balun simu ona rekoñesimentu
no valorizasaaun husi Estadu Timor-Leste liuhusi Prémiu Direitus
Umanus, balun seidauk.
Ezemplu sira ne’e hotu inspira jerasaun foin-sa’e sira, Timor-Leste
ninia futuru.

9
Hamutuk ho sira, ita hotu kumpre devér, tuir ida-idak nia kbiit no
matenek, liuhusi dalan ne’ebé de’it, atu haburas Rai doben ida ne’e,
ho dezenvolvimentu sustentável no ekilibradu atu bele kore Povu
tomak husi kiak no mukit.
Molok ha’u ramata ha’u nia mandatu, nu’ udar Prezidente Repúblika,
ha’u hakarak apela dala ita tan ba kombatente ida-idak no ba
sidadaun hothotu atu kaer metin nafatin onra no orgullu pertense ba
Povu ida de’it no ba Rai ida de’it: Timor-Leste!
Ba segunda faze libertasaun nasionál – halakon kiak no hatuur justisa
sosiál, ita presiza tanen nafatin sentidu pertensa ida ne’e.
Ita ida idak bele kontribui ba Rai ida ne’e, nu’udar membru partidu
polítiku ka organizasaun sosiál ka relijioza nian ka ho kbiit rasik,
maibé ita labele lakon sentidu koletivu, katak saída de’it mak ita
hanoin no halo di’ak, la’ós hadi’ak de’it ita-nia vida maibé sei halo
diferensa ba vida ema seluk nian, família ida nian, komunidade nian
no Povu tomak nian.
Viva Kombatentes Luta Libertasaun Nasionál.
Viva Repúblika Demokrátika Timor-Leste!
Viva Povu Timor-Leste!

Objetivu Finlândia No Suécia Sai Membru NATO Provoka Rusia Ninian Hirus

KTT para pemimpin NATO di Brussel, Belgia 24 Maret 2022 lalu (foto: ilustrasi). Finlandia dan Swedia diperkirakan akan mengajukan permohonan untuk menjadi anggota NATO, pasca invasi Rusia ke Ukraina. NATO nian lider sira iha Bruxelas, Belgium 24 Marsu 2022 (foto: ilustrasaun) Finlândia no Suécia hein hodi kandidata aan ba NATO nian membru, hafoin Rúsia nia nvazaun ba Ukrania.

Finlândia no Suécia sei asina formalmente atu bele hamutuk NATO iha fulan ida-ne’e. Nasaun rua ne’e dehan Rúsia nia invazaun ne’ebé la loos iha Ukrania muda ona dinámika seguransa iha Europa. Aleinde ne’e nu’udar ameasa nukleár ne’e presiza parte rua hosi Aliansa ne’e.

HELSINQUE, FINLÂNDIA (VOA) – Durante tinan barak nia laran, funu malirin to’o iha Finlândia konsege ezekuta ho kuidadu polítika neutralidade ho NATO no Rúsia ne’ebé kompete ba atinji iha Europa. Maibé liu tiha fulan balu de’it nia laran de’it, buat hirak ne’e oin seluk fila fali. Finlândia prepara atu tama hamutuk NATO.

Ministro Finlândia ba Assuntu Europeia, Tytti Tuppurinen, hateten: “Klaru organizasaun ne’e halo mudansa barak tanba hahú funu iha rai-Ukrania. Ita tenke halo ita-nia desizaun rasik tuir ita-nia interese Nasionál sira. Saida mak dalan di’ak liu atu asegura seguransa ba povu no nasaun Finlandia nian Ami hola parte iha nasaun Osidentál sira. Agora ita-boot sira bele haree katak NATO sai nu’udar membru ba desizaun finál kona-ba integrasaun ba ita-nia partidu Osidentál sira

Públiku nia opiniaun muda ona dezde invazaun Ukrania. Tarde iha tinan kotuk, quartu (seperempat) hosi populasaun vota favór ba NATO. Peskiza ikus ne’e hatudu pursentu 76 agora favór tama iha Aliansa.

Povu Helsinki, Pekka Lutha hateten, “Ami labele moris hamutuk ho nasaun viziñu ne’ebé nia komportamentu la hanesan uluk.” Nune’e NATO mak opsaun ida de’it ba ita nu’udar solusaun seguransa.

Finlandia konsidera NATO konjuntu sai membru ba Suécia ne’ebé to’o agora mantein ona ninia estatutu naun-konigninadu. NATO konfirma katak Finlandia no Suécia sei simu ho di’ak nu’udar membru iha fulan hirak tuirmai.

Sira nain-rua mak membru husi Uniaun Europeia. Sira-nia militár hola parte beibeik iha ezersísiu militár NATO nian no treinadu iha funu iha zona arctiku.

Molok invazaun husi Prezidente Ukrania, Vladimir Putin ezije katak NATO bele dada fali nia forsa iha Europa Leste. Duke NATO agora prepara atu simu membru foun sira. [mf]

https://www.voaindonesia.com/a/tujuan-finlandia-dan-swedia-menjadi-anggota-nato-picu-kemarahan-rusia/6566432.html

DISKURSU HOSI SUA EXELÉNSIA PREZIDENTE REPÚBLIKA DR. FRANCISCO GUTERRES LÚ OLO

Prezidente Repúblika, DR. Francisco Guterres Lú Olo

DISKURSU HOSI SUA EXELÉNSIA PREZIDENTE
REPÚBLIKA

DR. FRANCISCO GUTERRES LÚ OLO

IHA

SERIMÓNIA KONDEKORASAUN VETERANUS

LUTA LIBERTASAUN NASIONAL

Dili, 17 MAIU 2022

2

Señor Prezidente Parlamentu Nasional
Señor Primeiru-Ministru, Jeneral Taur Matan Ruak
Señor Prezidente Tribunal Rekursu
Señores Eis-Titulares
Señores Deputadus no Membrus VIII Governu
Maluk Kombatentes Libertasaun Nasional, hosi Frente Armada,
Frente Klandestina no Frente Diplomátika/Esterna
Famílias mártires no kombatentes sira-nian, iha Timor-Leste tomak
Reprezentante-sira hosi organizasaun sosiedade sivíl no konfisaun
relijioza
Señor Dekanu Korpu Diplomátiku
Señoras no señores,

Ho onra no orgullu boot mak ha’u kondekora ba dala ikus liu, ho
naran Estadu Timor-Leste, veteranus luta libertasaun nasional, ne’ebé
reziste entre tinan sanulu resin lima no tinan sanulu resin sia, liuhusi
dalan oioin no ho ida-idak nia kbiit rasik, hodi tanen ita nia mehi boot
atu afirma-an iha mundu, nu’udar Nasaun no Povu ida ho identidade
rasik.

3
Hamutuk hotu sobreviventes neen nulu resin neen no saudozu
sanulu resin hitu mak simu rekoñesimentu no valorizasaun nu’udar
eróis no eroínas nasionais, iha loron ohin, 16 maiu 2022, iha
Palásiu ida ne’ebé fó honra permanente ba ita-nia líder polítiku,
mártir no erói nasionál, Prezidente Nicolau dos Reis Lobato.
Ho kondekorasaun ida-ne’e, kombatentes libertasaun nasional Luta
Armada – Frente Interna, rejistadu no validadu, ne’ebé tuir lei,
klasifika nu’udar veteranus, simu hotu ona rekoñesimentu no
valorizasaun husi Estadu Timor-Leste.
Di’ak tebes bainhira Estadu organiza atu solene ida hodi rekoñese no
valoriza kombatente libertasaun nasional liuhusi kondekorasaun
OTL, grau Colar! Maibé Estadu fó mós protesaun ba sira-nia
dependente sira, oan kiak no faluk sira.
Rekoñesimentu no valorizasaun ba luta-nain sira konsagra iha ita-nia
Lei Inan no, nune’e, Estadu hatene ninia obrigasaun husi kedas loron
ita restaura ita-nia indepedénsia nasionál, iha 20 maiu 2002.
Artigu 11 Konstituisaun RDTL hatete katak “Estadu asegura
protesaun espesiál ba mutilados de guerra, órfauns no dependente
sira husi luta-nain sira ne’ebé fó sira-nia vida ba luta independénsia
no soberania nasional no proteje hothotu ne'ebé partisipa iha
rezisténsia”.

4
To’o ohin loron Estadu nia apoiu ba Kombatentes Libertasaun
Nasionál konkretiza liuhusi:
1) subvensaun públika ne’ebé fulan-fulan fahe ba kombatentes
libertasaun nasional sobreviventes no famílias mártires sira-
nian tuir validasaun ba ida-idak ninia partisipasaun iha luta
libertasaun nasional;
2) Harii Jardin Eróis Pátria – fatin ida ne’ebé sai sentru
permanente omenájen ba sira no ne’ebé tama ona iha roteiru
turístiku-istóriku no edukativu ba vizitante sira no jerasaun
hothotu ohinloron no ba abanbairua.
3) Estadu Timor-Leste fornese kaixaun no hakoi ita-nia eróis ho
onras Estadu, iha Jardim dos Heróis da Pátria ka iha rate
seluk tuir desizaun família nian;
4) Harii ekipa médika espesiál ida hodi tau matan ba saúde
kombatentes libertasaun nasional no família sobreviventes
no mártires sira-nian;
5) Fasilita asesu ba kréditu;
6) Fó ona subsídiu iha tinan 2020 no 2021 ba veteranus 20-24
anus hamutuk 116 hodi harii ka hadi’ak sira-nia uma;
7) Fó bolsas Estudu ba Kombatentes no mártires nia oan sira
liuhusi Ministériu ba Asuntus Konbatentes Libertasaun
Nasionál, husi ensinu báziku to’o universitáriu.

5
Maluk kombatentes libertasaun nasional no família mártires
sira-nian
Apoiu sira ne’ebé Estadu fó ba luta-nain sira to’o agora kobre ho
osan ne’ebé tama iha Orsamentu Jeral Estadu tinan-tinan. Osan ne’e
mai de’it husi ita-nia Fundu Minarai ne’ebé ita investe iha rai-liur ho
intensaun atu hetan funan boot. Maibé lakon ka manan funan
depende ba merkadu finanseiru. Tinan ida ne’e, purezemplu, entre
fulan fevereiru no abril, ita-nia Fundu Minarai lakon liu millaun atus
sia.
Tuir komunikadu imprensa husi ita-nia Banku Sentral, ho data 4 maiu
2022, ita nia Fundu Minarai sei iha biliaun sanulu resin hitu resin.
Osan ne’e sei mohu se ita hasai de’it ba despeza tinan-tinan. Estadu
Timor-Leste halo ona investimentu balun ho retornu maibé presiza
foti inisiativa foun seluk atu hamenus dependénsia husi Fundu
Minarai.
Iha ha’u-nia diskursu sira uluk, ha’u halo apelu ba Governu no mós
ba CCLN atu harii rasik Fundu Veteranus atu bele sustenta apoiu ba
ita-nia luta-nain sira no sira-nia família.Ikus mai, ho haksolok mak
ha’u simu informasaun katak liuhusi inisiativa Sekretaria Estadu ba
Asuntus Kombatentes Libertasaun Nasional, kombatente ida-idak
deskonta dadaun ona USD 30,00 fulan-fulan no konsege halibur ona

6
montante boot ida iha sira-nia konta komún iha banku ida. Konsellu
Kombatentes Libertasaun Nasional- CCLN mak jere konta bankária
ida-ne’e tuir osan-nain nia interese rasik. Ne’e konta privada ida no
Estadu la interfere iha jestaun ba konta ida ne’e.
Haree ba situasaun inserteza boot liután iha mundu tanba funu iha
Rai Ukrania no ita-nia minarai mós sei maran loron ruma, Estadu
Timor-Leste tenke buka dalan di’ak liu atu oinsá investe ho di’ak
osan ne’ébé hasai husi Fundu Minarai atu bele kontinua tau matan
nafatin ba ita-nia kombatentes libertasaun nasional.
Prezidente Repúblika simu ona Dekretu ida husi Parlamentu
Nasional ne’ebé aprova pedidu husi Governu atu halo alterasaun ba
Lei Orsamentu Jeral Estadu 2022 ne’ebé prevé biliaun ida atu harii
Fundu Veteranus. Prezidente Repúblika seidauk deside promulga ka
veta diploma ne’e. Karik promulga, Governu mak sei haree, liuhusi
Dekretu-Lei ida, sá modelu investimentu mak sei uza atu fó
rendimentu boot no lalais liu ba Fundu Veteranus. Tuir ezekutivu nia
hanoin, ho osan-funan husi Fundu ne’e mak Governu sei uza ba
programas apoiu ba Kombatentes Libertasaun Nasional iha área
sosiál, edukasaun, saúde, empregu, asesu ba kréditu no mós atividade
ne’ebé bele fó rendimentu.

7
Tuir mós Govenru nia hanoin, Fundu ida ne’e sei iha autonomia
administrativa, finanseira no patrimoniál. Sei la benefisia de’it sira
ne’ebé klasifika nu’udar Veteranus, ho partisipasaun luta tinan 15
to’o tinan 24 maibé hothotu ne’ebé validadu nu’udar Kombatente
Libertasaun Nasionál. Nune’e, osan biliaun ida ne’ebé VIII
Governu husu atu hasai husi Fundu Minarai, la´ós atu halo despeza,
la’ós atu gasta, la´ós atu selu pensaun ka saída de’it, maibé atu
investe iha Fundu ida hodi hetan funan babeibeik. Nune’e, Fundu
ida ne’e, ho jestaun di’ak no ho kontribuisaun hothotu nian, sei
haburas no haklean sentidu solidariedade entre luta nain-sira no
hamenus sira-nia dependénsia husi Fundu Minarai liuhusi
Orsamentu Jeral Estadu.
Tuir proposta Governu nian, Fundu ne’e sei jere husi Konsellu
Administrasaun prezide husi Primeiru-Ministru no sei envolve mós
membrus Governu ba asuntus kombatentes libertasaun nasional no
finansas.
Maluk kombatentes libertasaun nasional namokari iha Timor-
Leste tomak no iha rai-liur.
Husi soren ida, Estadu kumpre dadaun ninia dever atu rekoñese no
valoriza kompatriotas kombatentes Luta Libertasaun Nasional tuir

8
ita-nia Lei Inan haruka. Husi soren seluk, nu’ udar sidadã no
sidadaun Timor-Leste, kombatente ida-idak, iha dever atu sai modelu
di’ak
ba família uma laran no mós ba jerasaun foin-sa’e sira. Bainhira
veteranu ida deside tuir kursu formasaun ruma iha eskola tékniku-
profisionál ka Universidade, nia hatudu kedas ninia vontade atu
hakbiit-an. Husi hahalok ne’e, nia sai modelu di’ak ba oan sira no ba
sosiedade tomak. Bainhira hakbiit-an rasik hodi hetan abilidade foun
ida, bele intervein diakliu iha prosesu dezenvolvimentu ita-nia rain
no kontribui diakliu ba hamenus kiak no hametin liutan ita-nia
independénsia no soberania.
Hafoin ita restaura independénsia nasionál, kompatriota barak tebes
mak hatudu barani, determinasaun, patriotismu no dedikasaun ba
komunidade no Nasaun Timor-Leste. Ho sira nia hahalok rasik,
nu’udar grupu ka indivíduu, sira hatán dadaun ba ita-nia mehi no
objetivu komún iha ita nia segunda faze luta libertasaun nasionál:
halakon kiak no hatuur justisa sosiál. Balun simu ona rekoñesimentu
no valorizasaaun husi Estadu Timor-Leste liuhusi Prémiu Direitus
Umanus, balun seidauk.
Ezemplu sira ne’e hotu inspira jerasaun foin-sa’e sira, Timor-Leste
ninia futuru.

9
Hamutuk ho sira, ita hotu kumpre devér, tuir ida-idak nia kbiit no
matenek, liuhusi dalan ne’ebé de’it, atu haburas Rai doben ida ne’e,
ho dezenvolvimentu sustentável no ekilibradu atu bele kore Povu
tomak husi kiak no mukit.
Molok ha’u ramata ha’u nia mandatu, nu’ udar Prezidente Repúblika,
ha’u hakarak apela dala ita tan ba kombatente ida-idak no ba
sidadaun hothotu atu kaer metin nafatin onra no orgullu pertense ba
Povu ida de’it no ba Rai ida de’it: Timor-Leste!
Ba segunda faze libertasaun nasionál – halakon kiak no hatuur justisa
sosiál, ita presiza tanen nafatin sentidu pertensa ida ne’e.
Ita ida idak bele kontribui ba Rai ida ne’e, nu’udar membru partidu
polítiku ka organizasaun sosiál ka relijioza nian ka ho kbiit rasik,
maibé ita labele lakon sentidu koletivu, katak saída de’it mak ita
hanoin no halo di’ak, la’ós hadi’ak de’it ita-nia vida maibé sei halo
diferensa ba vida ema seluk nian, família ida nian, komunidade nian
no Povu tomak nian.
Viva Kombatentes Luta Libertasaun Nasionál.
Viva Repúblika Demokrátika Timor-Leste!
Viva Povu Timor-Leste!

LIVRE BA HODI HALO TUIR ITA NIA DESTINU

‘Nia haruka hau atu haklaken liberdade ba ema dadur sira.’ Lukas 4: 18

Michelangelo David nia estátua iha galeria ida iha Florence, Itália. Ohin loron, turista rihun ba rihun hein ba oras barak atu haree. Maibé sira barak la hatene kona-ba buat ne’ebé akontese ba David. Sira-nia forma identifikador – isin-lolon parte ida husi torso iha ne’ebá. Ema hakarak estátua sira-ne’e atu hafurak Rate Papa Julio ll. Maibé sira nunka remata ida ne’e. Tuir loloos, buat sira-ne’e hanesan lasu sira-ne’e koko atu halakon sira-nia liberdade no sai buat ne’ebé sira hakarak, maibé sira metin iha fatuk. Michelangelo bolu sira “dadur.”

Uluk imi sente ona hanesan ema dadur Ita la bele hasees an husi sala ne’ebé dada ita ba kotuk. Imi hatene se mak imi hakarak atu tuir buat ne’ebé imi hakarak atu halo no iha ne’ebé imi hakarak atu ba, maibé imi parese la bele hetan. Maski ita moris kleur ona, maibé Maromak hakarak atu halo hotu buat ne’ebé nia hahú ona iha ita-nia moris.

Jesus hatete katak ninia knaar mak atu hasai ita husi dadur (hare Lucas 4: 18). Hanoin to’ok kona-ba liafuan sira-ne’e iha dalan ne’ebé lori salvasaun mak ita-nia esperansa atu ba lalehan. Maibé iha buat barak tan. Karik ita hanoin kona-ba liafuan sira-ne’e iha artístika. Jesus mós mate atu fó moris-hias ba ema ne’ebé mate ona molok pekadu muda Maromak nia ilas iha ita. Ita sai dadur ba ita-nia sala no ita-nia susar sira. Jesus mate atu halo ita livre husi leten. No nia la halo ita livre de’it husi se mak uluk ita, nia fo livre ita atu ita sai lolos se mak ita.

Aihan Espiritual: 1 Reis 16:1–18:15, Marcos 12:13–27, Sl 108, Pr 12:14

 

How Much Should We Tithe?

Alex Cook is the founder of Wealth With a Purpose and brings his own brand of practical financial wisdom to issues that affect us all. One common question Alex often gets asked is around tithing. He recently did some research around how often the word tithe was...

It Isn’t How You Start, But How You Finish

By: Pastor Greg Laurie In 2017 on New Year’s Eve in New York City, visitors to Times Square were encouraged to bring whatever they wanted out of their lives and throw it into a giant shredder. Some people shredded paper on which they had written unpleasant memories,...

The Secret Place

By: Dr Dan Mo Have you ever wondered where a man can find God and fellowship with Him today? Adam met with God and fellowshipped with Him in the Garden of Eden. Moses met with God and fellowshipped with Him at the tabernacle. David met with God and fellowshipped with...

Not Owners, but Stewards

By Pastor Greg Laurie "Command those who are rich in this present age not to be haughty, nor to trust in uncertain riches but in the living God, who gives us richly all things to enjoy." 1 Timothy 6:17 NKJV Today if you have a roof over your head, a bed to sleep in,...

KUALIDADE FUAN

Iha liurai ida foin fila husi funu. Liurai nia kusineru sira prepara bebidus sira. Iha meza leten mos prepara copú sira ho modelù oin oin ho motif kapas kapas i furak furak. Liurai hare pembantu sira kaer copú sira nee i nia liu deit no nunca hakarak kona Copu sira...