‘Labele julga tamba tempu atu tesi lia seidauk too’. 1 Korintu 4:5

Julga nee hanesan ita dada I is-ida nee mai natural.  Dalaruma kritika aat sira nee mai husi ema Kristaun sira nebee mak uza Eskritura hanesan sira nia kilat. Karik ita mak ema julga, koko hodi hanoin buat haat nee:

(1)        Hatudu ita nia umilidade. Karik ita sala, konfesa ba Maromak, ba ita nia aan rasik, no ba ema sira nebee apropriadu. Konfesa lori onestidade no halo ita buras iha espiritual (haree iha 1 Joao 1:9)

(2)        Hatene ita nia Biblia. Diabu uza Skritura la tuir nia kontextu hodi koko Nai Jesus, maibe Nai Jesus hatene kontextu nee no nia la monu ba Diabu nia lasu (haree iha Lukas 4:1-13) wainhira ita uza Biblia sai husi ninia kontextu, hanoin didiak Nai Maromak lahatudu liman ba ita. No wainhira Maromak nia liafuan julga ita, labele deziste; la signifika Nai Maromak hirus ita. Nia hadomi ita-hanesan mos ita hadomi ita nia oan sira mezmu sira la halo tuir ita, no uza sira nia asaun hanesan ‘momentu hanorin nian’ hodi dezenvolve sira nia aan. ‘Tanba Nai Maromak koriji ema nebee mak Nia hadomi, I kastigu ema nebee mak Nia konsidera hanesan Nia oan.’ (Ebreu 12:6)

(3)        Labele koko [monu] hodi defende ita nia aan. Ema nebee julga ita laiha interese ba iha faktu-sira somente deit hakarak sente diak hodi halo ita sente ladiak. Hili ita nia luta ho matenek-labele lakon tempu ba buat nebee laimportante. Iha nee Paulo responde ba kritiku sira: ‘Mai hau, imi atu dehan hau atan diak ka ladiak, hau la preokupa.’ (1 Korintu 4:3)

(4)        Nai Maromak lapresija opinion segundu. Karik Nai Maromak ladehan ita sala, labele julga ita nia aan rasik. Tuir Paulo nia ezemplu; ‘Hau rasik mos la julga hau nia aan.’ (1 Korintu 4:3) Karik ita sala, konfesa no ho grasa Nai Maromak nian hadia ida nee. Depois deside hodi halao ita nia moris livre husi kondeminasaun.

Hahan Ba Klamar: 1 Timoteu 4-6, Joao 5:31-47, Salmu 126, Proverbiu 24:10