‘Ba ema hotu hau sai hanesan buat hotu.’ 1 Korinto 9:22

Fasil atu dezenvolve amnesia spiritual. No ita haluha oinsa ita uluk. Kelli Trujillo hakerek: Hau konhese ema iha hau nia servisu fatin ne’ebé hatudu buat negative hotu kona ba ema kristaun. Ema ne’e gosta julga, nia hahalok estranhu, nia totalmente (no ho intensaun) la iha kontaktu ho kultura. Nia konsidera kualkér tentativa atu hatun ninia evangelizmu nu’udar preseguisaun. Ita ida mós lakohi sai hanesan ne’e.

Oinsa mak ita bele fahe ita-nia fiar ba malu, maibé ita bele nafatin iha integridade ne’ebé aas?

(1) Husu pergunta ne’ebé sinceru no rona ho espiritu karinhu.

(2) Se presija, fó-hatene ba ema seluk katak Ita halo orasaun ba sira – no halo ida ne’e!

(3) Halo orasaun bainhira ba servisu fatin no husu Maromak atu ajuda ita haree ita-nia serbisu-fatin nu’udar kampu misaun.

(4) Keta halakon imi-nia fiar nia importánsia. kuandu akontese konversa, ko’alia kona-ba igreja, orasaun, Eskritura no komunidade kristaun. Husik ema seluk haree ksolok no objetivu iha Ita-nia moris.

(5) Hatudu Maromak nia domin ba ema hotu liuhusi ajuda nu’udar voluntáriu, la’ós de’it ba igreja, maibé mós ba ita-nia komunidade.

(6) haka’as an atu hetan excelensia. Sai ema ne’ebé ita-nia xefe no kolega servisu sira sadere ba hodi halo servisu ne’ebé metin.

(7) Konvida kolega serbisu-nain sira atu tuir eventu ho imi-nia kolega kristaun sira. Sira ne’ebe ladun ba igreja em jeral fasil atu ba iha eventu igreja nian, liuliu iha Natal ka Paskua.

(8) Bainhira imi la iha serteza bainhira atu koalia, husu ba Maromak no ‘koalia deit saida mak Maromak sei haraik ba imi iha momentu ne’eba, tanba laos imi mak koalia maibe Espiritu Santu.’ (Markus 13: 11)

(9) Iha buat hotu – mantein nafatin attitude haraik-an!

Aihan Espiritual: Gen 7-9, Lucas 6:17-26, Sal 104:24-35, Pro 3:11-12.