‘No ida nee mak konfiansa nebee ita iha ho Nia, katak se ita husu buat saida deit nebee tuir Ninia hakarak, Nia sei rona ita.’  1 Joao 5: 14

Hatene Maromak nia hakarak. Joao hakerek: ‘No ida nee mak konfiansa nebee ita iha ho Nia, katak se ita husu buat saida deit nebee tuir Ninia hakarak, Nia sei rona ita. 15 No se ita hatene katak Nia rona ita kona ba buat saida deit nebee ita husu, ita hatene katak ita sei hetan buat nebee ita husu ona ba Nia.’ (1 Joao 5: 14-15)

Dalan ida-ne’ebé ita bele hatene katak ita halo orasaun tuir Maromak nia hakarak mak halo orasaun tuir ninia liafuan. Uza Biblia atu halo orasaun ba buat ne’ebé imi halo daudaun. Hatete: Nai, ita promete ona iha Ita-nia liafuan, no ha’u fiar Ita ba ida-nee.

Dala ruma iha buat balu ne’ebé ita hakarak halo, maibé ita la fiar katak buat sira-ne’e mak Maromak nia hakarak ba ita tuir eskritura ka lae. Se nune’e, ita presiza husu Maromak atu fó ida-ne’e ba ita se ida ne’e Ninia hakarak—no hodi ajuda ita iha satisfasaun ho Ninia desijaun. Agustinus husi Hippo halo orasaun hodi dehan: ‘Husik hau halo Ita-boot nia hakarak, hanesan hau nia hakarak, atu nune’e Ita-boot halo hau nia hakarak, katak ne’e hanesan Ita-boot nia hakarak.’

DL Moody hatete nune’e: Fo sai ita-nia orasaun iha Maromak nia oin, no hatete ba: “Ita-boot nia hakarak mak akontese ba, laos hau nia hakarak.” Lisaun di’ak ne’ebé ha’u aprende ona iha Maromak nia eskola mak atu husik Nai mak hili ba hau.

Agora imi tenke hein, tanba Maromak nia tempu mak parte husi Ninia hakarak. Sai pasiénsia ba; ne’e sei akontese. Karik imi seidauk haree ida-nee, maibé Maromak promete ona no ne’e la’o daudaun ona. No hanoin-didiak katak se Nia la fó buat ne’ebé ita husu, Nia sei fó buat ne’ebé di’ak liu ba ita kuandu ita la’o ho fiar no kontinua hatudu hahalok-di’ak.

Aihan Espiritual: 1 Reis 21-22, MT 15: 1 – 1, Sal 124, pro 12: 26