‘Kalan tomak bele iha tanis, maibé haksolok mai iha dader.’ Salmo 30:5

Espeslista kazamentu ida hatete, inan faluk ida haruka ninia istoria kona ba oinsa nia estress tanba mesak deit hodi hakiak ninia oan sira to’o boot. Nia hatete katak nia hateke sai husi janela loron ida no haree manu inan no ninia oan-ki’ik sira subar metin. Bainhira udan tun, manu-inan ne’e taka ninia oan sira iha ninia liras nia okos.

Tuirmai udan jelu komesa tun boot. Manu inan ne’e foti ulun hodi tahan udan jelu atu bele proteje nia oan-sira. Sira hotu seguru husi udan bo’ot ida ne’e. Iha ai-knanoik ida-ne’ebé hatudu oinsá mak inan-mesak ida ninia dezafiu!

Responsabilidade atu hakiak boot labarik mesak de’it la remata, ezizi inan ka aman ida atu buka osan, te’in, moos, superviziona servisu uma-laran, tau matan ba labarik ne’ebe moras, no seluk tan. Liu husi knaar sira-ne’e, sira tenke hatene oinsá atu hatán ba sira-nia nesesidade pesoál no espirituál. Tuir loloos, ida-ne’e bele sai hanesan knaar ne’ebé susar liu iha mundu. Inan faluk ida, tantu inan ka aman, presiza ita nia apoia no halo orasaun nafatin.

Ba sira ne’ebé simu todan tanba sira nia oan, imi tenke fiar katak loron sira ne’ebé di’ak liu sei mai. Anin-fuik ne’ebé imi iha sei para iha tempu ida. Arkuiris ne’ebe furak sei mosu.

Maromak nia Liafuan promete: ‘Kalan tomak bele iha tanis, maibé haksolok mai iha dader.’

Aihan Espiritual: 2 Reis 18: 17-21, Mateus 25: 1-23, Salmo 115, Pro 8: 1-3.